Т.ДАЛАЙ

ОХУ-ын дипломат төлөөлөгч "Хар сарнай" хамтлагийн ахлагч С.Амармандахыг зодож гэмтээсэн талаар шуугиж эхэллээ. "ONE EVENT HALL"-д Нийслэлийн Засаг даргын Тамгын газраас зохион байгуулсан “Жаргалтай Улаанбаатар” цэнгүүний дараа энэхүү зодоон болсон байна. БНХАУ, ОХУ-аас Монгол Улсад суугаа онц бөгөөд бүрэн эрхт Элчин сайд нар, дипломат ажилчид, зочид төлөөлөгчид, Нийслэлийн Засаг дарга, Хотын дарга С.Батболд болон хотын удирдлагууд зэрэг олон хүндэт зочид уригдан ирсэн аж. Тухайн өдөр “Хар сарнай” хамтлагын ахлагч С.Амармандах өөрийн ая дуугаа өргөхөөр уг цэнгүүнд очжээ. Улмаар дуучин С.Амармандахыг харихаар гарахад нь согтууруулах ундаа хэрэглэсэн ОХУ-ын дипломат төлөөлөгч А.С нь түүний араас гарч архины шилээр толгойн тус газарт нь цохин ухаан алдуулан, зодож танхайрч байхад нь ONE EVENT HALL-ийн хамгаалагчид салгасан байна. Энэ хэрэг тус газрын хяналтын камерт бичигдэн үлджээ. Одоогийн байдлаар дуучин С.Амармандахын бие маш хүнд эмчилгээ хийлгэж байгаа юм байна.  Уг хэргийг Хан-Уул дүүргийн цагдаагийн нэгдүгээр хэлтэст шалгаж, эхэлсэн байна.

Эх сурвалж: www.polit.mn