Ч.Зотол

 “Блюз” хатагтай Б.Анугийн эх орондоо хийх гэж буй тоглолтод Францын Элчин сайдын яам  дэмжлэг үзүүлэхээр болсон мэдээлэл байна.

 Тоглолт  арванхоёрдугаар  сарын 12-нд  ДБЭТ-т  товлогджээ. Дуучин Б.Ану  /Б.Мягмарсүрэн/-тэй хамт түүний уран бүтээлийн багш, дуурийн дуучин      Лирисса Тосканелли   Монголд  ирнэ гэдгээ   өөрийн цахим хуудсаар мэдэгдээд байгаа юм. Балетын бүжигчин, театрын жүжигчин, бас дуурийн дуулаачаар  мэргэжил эзэмшсэн  Лирисса Тулузын олон улсын уралдаан болон Жафре Руделийн сангийн тэргүүн шагналыг хүртэж байсан нэртэй дуучин ажээ.

“Блюз” хатагтайн  олон жилийн дараа Монголдоо хийж буй энэхүү тоглолтод Монголын рок, попынхон, уран бүтээлийн найзууд нь оролцож  дуун мялаалга  өргөх  зэргээр сонирхолтой “сюрприз”-үүдээр дүүрэн болно гэсэн хүлээлт фенүүдийнх  нь зүгээс  байна. Тэгвэл   Монголоос  Хөдөлмөрийн баатар, Ардын жүжигчин Г.Хайдав, Монгол Улсын гавьяат багш Д.Дашиймаа нар шавийнхаа тоглолтод оролцох ажээ.

Эх сурвалж: Polit.mn