Д.ОЮУНЧИМЭГ

Монгол орны эдийн засгийн үндсэн суурь болсон мал аж ахуйн салбарт үүсч болох эрсдлээс урьдчилан сэргийлэх, байгаль, цаг уурын онцгой хүндрэлийг хохирол багатай даван туулах зорилгоор “Малчдад туслах сайн санааны аян”-ыг Хүнс хөдөө аж ахуй, хөнгөн үйлдвэрийн сайд санаачлан урилга гаргасан билээ. Энэ хүрээнд Монголын морин спорт уяачдын холбоо хамгийн түрүүнд дэмжин 20 сая төгрөгийн хандив өргөжээ.  “Тэнхлүүн явахад тэмээгээр тусалснаас тэвдэж явахад тэвнээр тусал” гэдэг. Цаг хатуурч, өвөлжилт, хаваржилт хүндрэхээс урьдчилан сэргийлэхэд сайхан сэтгэлт хүн бүрийн тусламж дэмжлэг чухал юм. Тиймээс энэхүү тусламжийн мөнгөөр зөвхөн үндэсний үйлдвэрлэгчдийн бараа бүтээгдэхүүнийг худалдан авч, татвар төлөгч аж ахуйн нэгжийн борлуулалтыг дэмжихээр болсон байна. Тусламжийн гараа сунган сайн санааны аянд нэгдсэн тус холбооныхон албан байгууллага, аж ахуй нэгж, компани болон монголын нийт ард түмнээ  “Малчдад туслах сайн санааны ая”-нд нэгдэж,  малчин түмнээ идэвхитэй дэмжихийг  уриалсан байна. Малын буян далай мэт хурах болтугай.

Эх сурвалж: www.polit.mn