Л.ХЭРЛЭН

Улс төр гэдэг бас  эрсдэлтэй “спорт” ажээ. Барилдана, боксдоно, кинодоно, кнопдоно ер нь  тэгээд юм юмтай. Гэмтэх бэртэх  бол хэвийн үзэгдэл болж, одоо эмч, эмнэлэг дуудчихаад ирэх хооронд нь даагаа нэхэлцэн  зодолдож байдаг болоо юу даа. 

Саяхан  Засгийн газрын залуу сайд нар ааг омогтой гэдгээ харуулаад авсан байна. Нүүрэндээ  багагүй гэмтэл авсан нэг нь нэлээд хэдэн ч оёо тавиулсан ч гэх шиг.  Нөгөөх   шазууртай эр хэн бэ гэдэгт таавар таалцсан хүмүүс олон байна.  Амаа чангалах үүрэг авсан  бусад сайд  нь  гэхдээ загас  мэт  байж чадсан эсэхийг бүү мэд. Ямартай ч  “100 хоногт  хоёр сайд” гэх сураг ажиг шуурч, шивэр авир яриа чихнээс чихэнд дамжаад амжиж.

 Ямартай ч бодож үзэх нь ээ, сайд  нар ажлын цагаар Төрийн ордонд боксдсон  бол гэрэл цохих магадлал  тун өндөр. Бас ажлын цагаар ам зөрөхөд  эрүүл саруул улс үсрээд л барилцаж аваад сална биз. Гэмтэж бэрттэлээ зодолдсон гэхээр яав ч зүгээр биш, ажлын бус цагаар  ууж идсэн үедээ уурлаж бачимдахаар зүйлүүдийг ярьцгааж гэж ойлгогдож байна.

Харин хэн нь ялж, хэн нь ялагдсан юм бол.  Яагаад тэр тухайгаа  ярихгүй хойшлуулаад байна  гэдэг сонин. Эсвэл сайд нар өөрсдөө “Азнаж бай”  гэж командлаад байна уу. Тэгвэл “Хэзээ гаргах  гээд нөөцлөөд байна вэ. Юунд ашиглах гэсэн юм бэ” гэсэн асуулт аман дээр аяндаа  гарч ирнэ.

Эх сурвалж: www.polit.mn