Р.ОЮУН

“Монгол хурандаа” зургаан боть номын нээлт “Интер ном” номын дэлгүүрт боллоо. Хурандаа цолтой эрхэм хүмүүс улс эх орондоо юу хийж бүтээсэн, ямар албан тушаал хашиж байсныг энэ номд оруулжээ. Зургаан боть номонд 300 гаруй хурандаагийн дурсамж ярилцлага, нийтлэл орсон. Цаашид ч энэ боть үргэлжилнэ хэмээн тус номын редактор, “Монгол хурандаа” нийгэмлэгийн тэргүүн, Удирдах зөвлөлийн дарга Ч.Баатар энэ үеэр хэлж байсан. Мөн тэрээр хурандаа цол Монголын мөрдэс зүүсэн, цэрэгжсэн байгууллага байгаа тохиолдолд энэ ном магадгүй 100 жил ч үргэлжлэн гарах магадлалтай гэлээ.

“Монгол хурандаа” гэж нэрлэсэн нь Монголын олон хурандаагийн санаа сэтгэлийг нэгтгэж, хийж бүтээснийг нь алдаршуулах зорилгоор “Монгол хурандаа” нийгэмлэг байгуулсан. Энэ номд Монголын бүх салбарын хурандаа хамрагдана. Одоо долдугаар ботийнхоо материалыг цуглуулж байгаа. Долдугаар ботид 100 гаруй хүн саналаа ирүүлсэн. Үүнээс шүүж байгаад шаардлага хангасан материалыг энэ ботидоо оруулна. Нэг ботид 30-35 хурандаагийн дурсамж, хөрөг, нийтлэл орсон аж.

Цуврал номд “Монгол хурандаа” нийгэмлэгийн Удирдах зөвлөлийн гишүүд бүгд ажилладаг. Ном гарах гэж байгаа боть бүхэн дээр редакторын зөвлөлийг байгуулж ирсэн материалыг нэг бүрчлэн шүүгээд хэвлүүлэхэд бэлэн болгодог ажээ. 1936 онд анх хурандаа цол бий болсон. Нэгдүгээр ботид 1936 онд анхны хурандаа болсон хүмүүсийг, хоёр дахид алдар гавьяатай, улсын болон хөдөлмөрийн баатар, төрөөс гавьяа шагнал авсан, эрдэмтэн, докторууд, дахь номд хурандаа цолыг авсан он дараалал, улс эх орондоо хийж бүтээсэн их зүйлтэй хүмүүсийг оруулж байгаа гэсэн юм.    

Эх сурвалж: www.polit.mn