УДШ-ийн ерөнхий шүүгчийг олон нийтэд огт мэдэгдэлгүй Монгол Улсын Үндсэн хуулийн 51-р зүйлийн 51.1, 51.2 Шүүгчийн эрх зүйн байдлын тухай хуулийн 15-р зүйл, 15.3 заалтуудыг зөрчиж ерөнхий шүүгч болох З. Зориг өөрөө өөрийгөө дэвшүүлж Ерөнхийлөгчид өргөн мэдүүлжээ. 

Улсын дээд шүүх нь нийт 26 шүүгчтэй, гэтэл 16 шүүгчийг оролцуулж санал хураалт явуулав. Санал хураалтын урьд өдөр шүүгч Бат-эрдэнийг тэтгэвэрт гаргаж ажлаас нь чөлөөлсөн шийдвэр гаргасан байна. Мөн 2016 оны 11 дүгээр сарын 07,08 – нд Шүүхийн ерөнхий зөвлөлийн даргын тушаалаар ажлаасаа чөлөөлөгдсөн Шүүгчийн сонгон шалгаруулалтын шалгалт авч байсан шүүгч нарыг зөвлөгөөнд оролцуулаагүй, мөн өвчтэй байсан шүүгчийг оролцуулаагүй, зөвлөгөөнийг хойшлуулах санал гаргасныг хүлээж авахгүйгээр хүчээр хурал хийж шүүгч нарын саналаа өгөх, сонгох, сонгогдох эрх, ерөнхий шүүгчид нэрээ дэвшүүлэх эрхийг зөрчсөн байна.

УДШ нь Ерөнхий шүүгч 1, шүүгч 25 хүнээс бүрдэж, бүрэн бүрэлдхүүнээрээ шүүгчдийн зөвлөгөөн хийх ёстой байсан.

Хүчингүй болсон шүүхийн тухай хуулийн үед мөрдөгдөж байсан хуралдааны дэгээ баримталж хууль зөрчсөн. МУ-ын Үндсэн хуулийн 51.1-д УДШ-ийн Ерөнхий шүүгч, шүүгчдээс бүрдэнэ. 51.2-т Ерөнхий шүүгчийг УДШ санал болгосноор гишүүдийн дотроос 6 жилийн хугацаагаар Ерөнхийлөгч томилно гэсэн байдаг.

МУ-ын Шүүгчийн эрх зүйн байдлын тухай 15.3 – т УДШ-ийн Ерөнхий шүүгчийг УДШ-ийн санал болгосноор шүүгчийн дотроос Ерөнхийлөгч 6 жилийн хугацаагаар нэг удаа томилно. Гэтэл Ерөнхий шүүгчийн үүрэг гүйцэтгэж байсан З. Зориг нь дээрхи хуулиудыг зөрчиж, өөрөө өөрийгөө дахин дэвшүүлж зөвхөн өөрийн талын гар хөл болсон хүрээний шүүгчдийг зөвлөгөөнд оруулсан байна.

Эх сурвалж: mminfo.mn