Х.ЦОМ

Монгол Улсын Ерөнхий сайд асан Н.Алтанхуяг 2017 оны Ерөнхийлөгчийн сонгуульд нэр дэвшихээ мэдэгдлээ. Тэрээр эрх баригч амлалтаасаа буцаж, улс орны эдийн засгийг унагаж байгаа учраас болж бүтэхгүй байгаа бүхнийг зогсоохын төлөө Ерөнхийлөгчийн сонгуульд өрсөлдөхөөр болсон гэж тайлбарлалаа. Хурлын үеэр “Манай эхнэр хүүхэд, эргэн тойрны хүмүүсийн асуудал бол бодитой бус. Намайг огцруулахыг оролдож эхэлснээс хойш энэ бүхэн үргэлжилсэн.  Хуулийн дагуу намаасаа нэр дэвшинэ. Улс орны нөхцөл байдал, дураараа авирлаж байгаа үйл ажиллагаа, хууль ёсыг гажуудуулдаг, бизнесийг дарамталдаг. Одоо Монголд амар тайван бизнес эрхлэх, амар тайван амьдрах боломж нөхцөлгүй байна. Би энийг хараад сууж чадахгүй учраас ийм шийдвэр гаргасан. УИХ-д байхдаа би боломжийнхоо хэмжээнд үгээ хэлж тэмцдэг байсан. Эд нар бохир аргаар манай Засгийн газрыг унагаасан. Ерөнхий сайдын хувьд, Монгол хүний хувьд Монголдоо ашиггүй, ард түмэнд ашиггүй олон үйлдлийг эсэргүүцсэний шанд манай Засгийн газар огцорсон” гэлээ.

Энэхүү мэдэгдэл олон улсын анхаарлын төвд байгаа АНУ-ын Ерөнхийлөгчийн сонгуультай давхцаж байгаа юм. Өөрөөр хэлбэл, АНУ-д Ерөнхийлөгчийн сонгууль дуусч Монголд эхэлж байгааг олон нийт тодотгож байна. АНУ-д АН, БНН -тай аль алинтай нь бараг зэрэг хүч үзсэн Д.Трамп ялах нь тодорхой болсон. Үүнтэй зэрэгцээд Н.Алтанхуяг Ерөнхийлөгчид нэр дэвшихээ мэдэгдсэн нь Трампын нэгэн адил МАНАН бүлэглэлтэй тэмцэх хэрэгтэй болж байгааг  цахим ертөнцийнхөн онцолж байна.

Эх сурвалж: www.polit.mn