Х.ЦОМ

Дархан - Сүхбаатар - Алтанбулаг чиглэлд замын гадаргууд 5-8см хүртлэх зузаантай цас тогтсон. Дархан чиглэлд Ерөөгийн даваанаас Дархан самбар хүртлэх замд цас шуурч орсны улмаас замын зорчих хэсэг рүү цас хунгарлаж тогтсон. Мөн Арангатын давааны шуурхай хэсгийн замчид давааны огцом эргэлт тойруу дээр давс цацах арга хэмжээ аван ажиллаж байна.

 Улаанбаатар хотоос Төв аймаг Лүн сум хүртэл замын гадаргуу, зорчих хэсэгт мөсөн бүрхүүл тогтсон гулгаа ихтэй.

 Эрдэнэт – Булган, Булган – Мөрөн чиглэлийн улсын чанартай авто замын нийт гадаргуу дээр цас тогтож хальтиргаа гулгаа үүссэнийг “Булган-АЗЗА” ТӨХК-аас хүн хүч, техник гаргуулан цэвэрлэх ажлыг хийж байгаа боловч цас үргэлжилэн орж байгаа.

Цаг агаарын нөхцөл байдлаас шалтгаалан тодорхойгүй хугацаанд тээврийн хэрэгслийн гарах хөдөлгөөнөө түр хязгаарлаад байсан Хөвсгөл аймагт авто зам, замын байгууламжийг нээж хөдөлгөөн хэвийн үргэлжилж эхэллээ.

Цаг агаар дулаан байгаа учраас зам дээрх цас мөстөж хальтиргаа гулгаа ихээр үүсч байгаа тул жолооч нар тээврийн хэрэгслийн бүрэн бүтэн байдлыг сайтар хангаж, замын хөдөлгөөний дүрмээ баримтлан, анхаарал болгоомжтой, сонор сэрэмжтэй зорчихыг Авто тээврийн Үндэсний төвөөс анхаарууллаа.

Эх сурвалж: www.polit.mn