С.САРУУЛ

Ёслол хүндэтгэлийн танхимд Бразилийн Риоде Жанейро хотноо болсон Зуны олимпийн 31-р наадмаас медаль авсан тамирчдад Засгийн газраас мөнгөн шагнал олголоо. /2016.11.03/

Ерөнхий сайд Ж.Эрдэнэбат шагналыг гардуулсан юм. Мөн энэ үеэр олон улсын тэмцээнд амжилт гаргасан тамирчдын өнгөрсөн жилийн мөнгийг нөхөж олгов. Энэ талаар Боловсрол соёл шинжлэх ухаан спортын сайд Ж.Батсуурь “Засгийн газраас олимпийн наадамд амжилт гаргаж медаль авсан тамирчид, дасгалжуулагчдад мөнгөн шагналыг олголоо. Засгийн газрын тогтоолын дагуу тив дэлхийн аварга шалгаруулах олон улсын тэмцээнд амжилт гаргасан тамирчдад олгодог сар бүрийн урамшууллыг өнгөрсөн жилийнхийг нөхөж олголоо. Бүх тамирчдын урамшуулалд 1.4 тэрбум төгрөг төсөвлөсөн. Тамирчдын урамшлыг тогтоолын дагуу сар бүр олгоно. Оны сүүлийн мөнгийг оны өмнө олгож цаашид өр үүсгэхгүй байх чиглэлд ажиллана. Төсвийн тодотголоор 1.4 тэрбум төгрөгийг төсөвлөсөн байгаа” гэлээ.  

1. Жүдо бөхийн төрөлд Мөнгөн медаль хүртсэн Д.Сумъяад 60 сая, дасгалжуулагчид нь 30 сая төгрөг

2. Боксийн төрөлд Хүрэл медаль хүртсэн Д.Отгондалайд 30 сая, дасгалжуулагчид нь 15 сая төгрөг

3. Паралимпээс паурлифтингийн төрөлд Хүрэл медаль хүртсэн Э.Содномпилжээд 30 сая, дасгалжуулагчид нь 15 сая төгрөг

4. Паралимпээс жүдо бөхийн төрөлд Хүрэл медаль хүртсэн Б.Ууганхүүд 30 сая, дасгалжуулагчид нь 15 сая төгрөгийг Монгол Улсын Ерөнхий сайд гардуулж өглөө. Олимпийн мөнгөн медаль хүртсэн тамирчин 60 сая, хүрэл медаль хүртсэн тамирчин 30 сая төгрөг авна. Дасгалжуулагч энэхүү мөнгөн шагналын 50 хувьтай тэнцэх мөнгөн шагнал авахаар Засгийн газрын тогтоолд заасан байдаг.

Эх сурвалж: www.polit.mn