Б.БАЯР

Зам, тээврийн хөгж­лийн сайдын мэдэлд хэд хэдэн байгууллага байдгийн нэг нь “ИНЕГ-ын Үйлдвэрлэл, үйлчилгээ” ТӨҮГ юм. Агаарын навигац, агаарын хөлгийн газрын болон нисэх буудлын үйл­чилгээ, бусад аж ахуйн үйл ажиллагаатай холбогдох чиг үүргийг хариуцан хэрэг­жүүлдэг энэ газар нави­гацийн орлогоор санхүүждэг. “ИНЕГ-ын Үйлд­вэрлэл, үйлчилгээ” ТӨҮГ энэ онд л гэхэд 221.8 тэрбум төгрөгийн тө­сөвтэй ажиллаж буй ажээ.

Тэгвэл энэ газраар ЗТХЯ-ны түшмэд гадаад томилолтын зардлаа гаргуулдаг юм байна. Энд ганцхан албан тушаалтны гаргуулсан зардлыг дэлгэе. ЗТХЯ-ны Авто замын Бодлогын хэрэгжилтийг зохицуулах газрын дарга Г.Доржханд дээрх ТӨҮГ-аар хоёр  сарын дотор таван ч удаа гадаад томилолтын зардлаа даалгасан баримт байна. Тэрээр 2016 оны есдүгээр сарын 5-нд ИНЕГ-ын 2001002396 тоот данснаас 5.0 сая төгрөг, есдүгээр сарын 20-нд 5.0 сая төгрөг, аравдугаар сарын 3-нд 5.0 сая төгрөг, аравдугаар сарын 17-нд 5.0 сая төгрөг, аравдугаар сарын 25-нд 5.0 сая төгрөгийг Томилолтын зардал гэсэн утгатайгаар гаргуулан авсан байна. Г.Доржханд даргыг “ИНЕГ-ын Үйлдвэрлэл, үйлчилгээ” ТӨҮГ-аас гаргуулсан га­даад томилолтын зардал нийтдээ 25 сая төгрөг болж байгаа юм.

Өнөөдөр ирэх оны төсвийг ид хэлэлцэж байна. Хэмнэлт, та­налтын горимыг бүх шатандаа барьж ажиллана гэдгийг Ерөнхий сайд Ж.Эрдэнэбат, Сангийн сайд Б.Чойжилсүрэн нар удаа дараа мэдэгдэж байна. Гэтэл ЗТХЯ-ны нэгэн түшмэл нь Монгол Улсын агаарын тээврийн аюулгүй байдал, засвар үйлчилгээ, бусад аж ахуйн зардлыг ха­риуцахаар бай­гуу­лагд­сан ТӨҮГ-аар гадаад томи­лолтоо даалгасан шиг сууж байгааг юу гэх вэ. Нөгөөтэйгүүр улсын онц чухал ажлаар нэг удаа ниссэн байж болно. Хэд хоноод л 5.0 сая төгрөг гаргуулаад гадаадад “томилогддог” тансаглал байж болох уу, ийм үед.

Эх сурвалж: “Зууны мэдээ” сонин