Т.ДАЛАЙ

АТГ-аас гаргасан 236 албан тушаалтны ХОМ-д хэд хэдэн төрийн өндөр албан тушаалтан 4-5 байртай гэж мэдүүлжээ. Тэднээс хамгийн олон байртай нь Санхүүгийн зохицуулах хорооны орон тооны бус гишүүн Д.Ганбат зургаа, УИХ-ын гишүүн Л.Энхболд, Үндэсний хөгжлийн газрын даргын үүргийг түр орлон гүйцэтгэгч Б.Баяртсайхан нар тус бүр таван байртай бол Шударга өрсөлдөөн хэрэглэгчийн төлөө газрын дарга Б.Лхагва дөрөв, Дорнод аймгийн Засаг дарга Г.Бадамсүрэн, Говьсүмбэр аймгийн Засаг дарга Г.Батсуурь, Хэнтий аймгийн Засаг дарга М.Ганбямба, УИХ-ын гишүүн Ц.Гарамжав, Батлан хамгаалах яамны дэд сайд Т.Дуламдорж, Нийслэлийн ИТХ-ын дарга Ц.Сандуй, Дорноговь аймгийн ИТХ-ын дарга С.Түмэнбаяр, УИХ-ын гишүүн Н.Учрал, МХЕГ-ын дарга Н.Цагаанхүү, УИХ-ын гишүүн Хууль зүйн сайд С.Бямбацогт, Шүүхийн Ерөнхий зөвлөлийн дарга Н.Лүндэндорж, БСШУС-ын дэд сайд Ё.Отгонбаяр нар тус бүр дөрвөн байртай аж. Харин УИХ-ын гишүүн М.Билэгт, Д.Гантулга, А.Сүхбат, Д.Тогтохсүрэн нар нэг ч байргүй гэж мэдүүлжээ. 

Эх сурвалж:www.polit.mn