
Б.БАЯР
Мэргэжлийн Засгийн газар 100 хоногтойгоо золгож байна. Энэ өдрийг угтан яамд хийсэн ажлаа олон нийтэд таниулан сурталчлах ажлыг ээлж дараалан хийж байгаа ажээ. Тэгвэл ХХААХҮЯ-ныхан өнгөрсөн амралтын өдрүүдэд Үндэсний цэцэрлэгт хүрээлэнд энэ өдрийг “тэмдэглэн” өнгөрүүлжээ. Мөн үүнтэй Дэлхийн хүнсчдийн өдөр давхацсан байна.
Бусад сайдаасаа арай өөр арга барилаар ажилладаг П.Сэргэлэн сайд энэ өдрийг тун чиг сонирхолтой, анхаарал татсан “үзүүлбэр”-тэй тэмдэглэхээ мартсангүй. Тэрээр Мастер тогоочдын холбооны тогоочдоор 500 хүний цуйван “сэгсрүүлж” Мэргэжлийн Засгийн газрынхаа 100 хоногт сюрприз барилаа.
Эх сурвалж: polit.mn