Б.Энхтуул

Оюутан залуусын олонх нь АНУ-д англи хэл сурах, хэлний мэдлэгээ сайжруулах хүсэлтэй байдаг. Тэгвэл тус улсын Хууль зүйн яам саяхан гадаадын бусад орноос хэл сурахаар очиж буй хүмүүсийг дэмжих зорилгоор  муж улсын сургууль, дүүргүүдэд зориулан  холбооны улсын хуульд нийцсэн үүргүүдийг тусгасан Сурах орчны арга зүйн удирдамжийн багцийг гаргажээ.  Энэ нь англи хэл сурах хүмүүст илүү их  хамаарах бөгөөд тус сургуулийн хүлээх үүргийг зохицуулах,  холбооны улсын хуулийн хүрээнд гаргасан анхны удирдамжийн нэг хэсэг болж байна гэдгийг  цахим хуудастаа онцолжээ.

АНУ-д байгаа дөрвөн сая цагаачийг албадан гаргах шийдвэрээ Ерөнхийлөгч Барак Обама хойшлуулсан бөгөөд үүнээс төд удалгүй уг удирдамж гарсан байна. “Вашингтон Пост” сонинд мэдээлснээр, англи хэл сурч буй хүмүүсийн дийлэнх нь цагаачид, тэдний хүүхдүүд байгаа аж.   АНУ-ын Дээд шүүх англи хэлний хязгаарлагдмал мэдлэгтэй гэр бүл болон оюутнуудыг сургуулиуд тэгш эрхээр хангах ёстой гэсэн заалтыг уг хуульд оруулж өгсөн байна.

Эх сурвалж: www.polit.mn