
Х.ХАТАН
Монголбанкны дэд ерөнхийлөгч асан Д.Энхжаргал, түүний аав Ц.Данзанбалжир агсныг үндэслэлгүйгээр гүтгэснийг шүүхээр тогтоожээ. Г.Янсанжав нь “Монгол Улсад Төв болон Арилжааны гэсэн хоёр шатлалт банкны тогтолцоог бий болгох нөхцөл бүрдүүлсэн мину” хэмээх 2014 онд хэвлэгдсэн номондоо Д.Энхжаргалыг албан тушаалаа ашигласан, татан буугдсан Авто зам банкийг Ц.Данзанбалжир хууль бусаар авч Тээвэр хөгжлийн банк байгуулсан мэтээр буруу ташаа мэдээллийг бичиж, тараасан байна.
Тиймээс Г.Янсанжавт Улсын дээд шүүхийн хяналтын шатны иргэний хэргийн шүүх хуралдааны 2015 оны арваннэгдүгээр сарын 5-ны өдрийн 911 дүгээр тогтоолоор хариуцлага тооцож, мөнгөн торгууль ногдуулж, бичсэн номондоо залруулга хийхийг шүүхээс даалгасан байна.
Мөн хэвлэн нийтэлсэн материалаа тараасан хэлбэрээр нь залруулах замаар нэр төр, алдар хүнд, ажил хэргийн нэр хүндийг сэргээхийг Г.Янсанжавт даалгажээ.
Эх сурвалж: “Зууны мэдээ” сонин