Х.ЦОМ

Зам тээврийн хөгжлийн яам, улс хоорондын ачаа тээвэрлэдэг аж ахуйн нэгж байгууллагууд хамтран мэргэшсэн жолооч нарыг бүртгэж эхэллээ. Өнөөдөр /2016.10.06/,маргааш  Хөдөлмөр, халамжийн үйлчилгээний ерөнхий газрын нэгдүгээр давхарт 09:00-17:00 цагт  бүртгэх гэнэ. Энэ үеэр мэргэшсэн жолооч нарт  37 аж ахуйн нэгж 450 нээлттэй ажлын байр санал болгох ажээ.

Жолооч нар С, Е ангилалтай байх шаардлагатай бөгөөд өөр ангилалтай бол ажил олгогчтой  тохиролцож гэрээ байгуулснаар ажил олгогч төлбөрийг дааж, Хөдөлмөрийн бирж дээр ажиллаж буй жолооны курст  суралцуулж мэргэшүүлэх юм байна. Гэрээний дагуу ажилд орсоны дараа сургалтын төлбөрөө цалингаасаа өгөх боломжтой аж. Жолооч нарыг нас харгалахгүй ажилд авах бөгөөд Өмнөговь аймгийн Гашуун сухайт боомт зэрэг хөдөө орон нутагт ажиллах шалгуур тавьсан байна. 

Эх сурвалж: www.polit.mn