Т.САЙХАН

Өнөөдөр /10.05/ олон улсын багш нарын баярын өдөр тохиож байна.  “Дуурь бүжгийн эрдмийн театр”-т боловсролын салбарынхан чуулж, шилдгүүдээ тодрууллаа.  2014 оноос эхлэн жил бүрийн  аравдугаар сарын 5-ны өдрийг “Монголын багш нарын өдөр” болгон тэмдэглэдэг болжээ.  “Дэлхийн багш нарын 22, Монголын багш нарын 50 дахь өдөр”  ийн өнөөдөр /10.05/ тохиож байгаа юм байна.  Боловсрол соёл, шинжлэх ухаан, спортын сайд Ж.Батсуурь нээлтийн үеэр “Манай яам боловсролыг нийгмийн тэргүүлэх салбар, багшийг хүний хөгжлийн тулгуур хүч гэх үзэл баримтлалд тулгуурлан багш нарын хөгжил, нийгмийн асуудалд онцгой анхаарал хандуулж, яамны бодлого, үйл ажиллагааны тэргүүлэх чиглэл, зорилт болгон ажиллах болно” гэдгээ хэллээ. Ингээд энэ жилийн тэргүүний багш, улсын тэргүүний цэцэрлэг, сургуулийг танилцуулж байна.

“Оны тэргүүний багш”-аар

• Сэлэнгэ аймгийн IV сургуулийн биологийн багш Г.Цолмон
• Улаанбаатар хотын Багануур дүүргийн “Боловсрол” цогцолбор сургуулийн бага ангийн багш Б.Ундрал
• ХААИС-ийн тэнхмийн эрхлэгч Д.Баатархүү
• АШУИС-ийн багш Н.Баясгалан
• “Шихихутаг” их сургуулийн багш П.Түвшинтөгс

“Улсын тэргүүний цэцэрлэг”-ээр

• Дундговь аймгийн Сайнцагаан сумын С.Алимаа эрхлэгчтэй IV цэцэрлэг
• Хэнтий аймгийн хэрлэн сумын Б.Энхтуяа эрхлэгчтэй IV цэцэрлэг
• Булган аймгийн Хутаг-Өндөр сумын Ж.Ариунаа эрхлэгчтэй “Гацуурхан” цэцэрлэг
• Увс аймгийн Улаангом сумын Ц.Пагмаа эрхлэгчтэй IV цэцэрлэг

“Улсын тэргүүний сургууль”-аар

• Өмнөговь аймгийн Д.Оюунчулуун захиралтай Лаборатори I сургууль
• Увс аймгийн Н.Бүрэн захиралтай лаборатори I сургууль
• Өвөрхангай аймгийн Н.Энхтуяа захиралтай “Орхон” цогцолбор сургууль тус тус шалгарчээ.

Эх сурвалж:www.polit.mn