С.ЗОЛБОО

УИХ-ын гишүүн асан С.Одонтуяа  Үндсэн хуулийн цэцэд хандаж байгаа талаараа мэдээлэл хийлээ. Тэрээр энэ талаараа “УИХ энэ сарын 7-нд  хуралдаж “Хүүхдийн мөнгө” олгох асуудлаар тогтоол гаргасан. Тодруулбал, 7-12 дугаар саруудад амьжиргааны түвшний 1-10 дугаар бүлэгт  орсон хүүхдэд бэлэн мөнгө, үлдсэнд нь 2019 оноос өмнө нөхөж олгохоор болсон байна.  Монгол Улсын Үндсэн хуулийн 1 дүгээр бүлгийн 10 дугаар зүйлийн 2 дахь хэсэгт “Монгол Улс олон улсын гэрээгээр хүлээсэн үүргээ шударгаар сахин биелүүлнэ” гэж заасан. Мөн Монгол Улсад хууль ёсоор оршин суугаа хүн бүр хууль, шүүхийн өмнө тэгш эрхтэй байна гэх зэрэг Үндсэн хуулийн маш олон зүйл заалтыг зөрчиж байна. Хүүхдийн мөнгө нийгмийн халамж биш. Хүний хөгжил сангаас хүүхдийн мөнгөөр дамжуулан өрх гэрийг дэмжих, төрөлтийг нэмэгдүүлэх хүн ам зүйн бодлогыг дэмжсэн чухал бодлого. Тиймээс хүүхдийн мөнгийг алагчлалгүй олгох нь ирээдүй хойч үеийнхээ боловсрол, эрүүл мэнд төлөвшилд зориулж буй хөрөнгө оруулалт болно” гэсэн юм.

Эх сурвалж: www.polit.mn