Ц.БАЯР

Иргэдийн дунд нохойнд спэй, спираль тавьж,  устгах нь гэсэн мэдээлэл тарсаны дагуу Нийслэлийн Тохижилт, хог хаягдлын удирдлагын хэлтсийн ахлах мэргэжилтэн О.Оджаргал өнөөдөр /09.26/ хэвлэлийн хурал хийж тайлбар хийлээ. Тэрээр  "Нохой, муурт спэй, спираль тавих аргаар устгаж, энэ ажилд 5 тэрбум төгрөг төсөвлөсөн гэсэн ташаа мэдээлэл сүүлийн үед яваад байна.  Захирагчийн ажлын албанаас нохой устгалын ажлыг буудах, уургалах, тор тавих аргаар ажиллаж байна. Нохой устгалын ажилд үнэлгээ тогтоодог. Өнгөрсөн жил 12500 төгрөг болж батлагдсан. Энэ үнэлгээний дагуу устгалыг хийж байна” гэв. Нохой болон жингэр, муурт спэй, спираль тавих асуудал зөвхөн судалгааны түвшинд  мал эмнэлгийн байгууллагууд, ХААИС-тай хамтран судалж байгаа гэлээ. Нийслэлийн хэмжээнд 320 мянга гаруй нохой байна гэсэн судалгаа байдаг. Түүнээс жилд 70-90 мянга орчмыг нь  устгадаг. Өнгөрсөн жил нийслэл 890 орчим сая төгрөг нохой муурны устгалд зарцуулжээ.  

Эх сурвалж:www.polit.mn