Ц.БАЯР

Дэлхийн дулаарал, хүлэмжийн хийг бууруулахад мөн олон нийтэд  Тогтвортой хөгжлийн боловсрол олгоход   сэтгүүлчид, хэвлэл мэдээллийн байгууллагуудын үүрэг оролцоо чухал байгаа  тухай  “ Тогтвортой хөгжил, Ногоон хөгжил,Тогтвортой хөгжлийн боловсролыг сурвалжлахуй” сэдэвт  сэтгүүлчид, хэвлэл мэдээллийн ажилтнуудыг чадавхжуулах сургалтад онцолж байна. Энэ сарын 16-19 ны өдрүүдэд болсон уг сургалтанд 50 гаруй хот хөдөөгийн сэтгүүлчид, хэвлэл мэдээллийн ажилтнууд хамрагдлаа. Сургалтыг Тогтвортой Хөгжлийн Боловсрол  /ТХБ/  төслөөс  зохион байгуулсан. ТХ-ийг хэрхэн сурвалжлах, ТХ, ТАБ, НХ-д хэвлэл мэдээллийн салбарын оруулах үүрэг, Монгол улсын Ногоон хөгжлийн бодлого, байгаль орчны сэтгүүл зүй, тогтвортой хэрэглээ ба худалдан авалт, ногоон эдийн засаг, ногоон барилга, ногоон ажлын байр, нийгмийн асуудал, хүний эрхийг сурвалжлах зэрэг өргөн ойлголтуудыг  сэтгүүлчдэд  өглөө. Манай улс  дэлхий дулаарал хүлэмжийн хийг бууруулах НҮБ-ийн конвенцид нэгдэн орсон. НҮБ-ийн өмнө хүлээсэн үүргийнхээ дагуу  үе үеийн Засгийн газар Тогтвортой хөжил, ТХБ-ийн  талаар бодлого боловсруулж баталдаг хэдий ч энэ нь хэлбэр төдий, олон улсын байгууллагын өмнө үүргээ биелүүлсэн хэмээн үзүүлэх ор нэр төдий баримт бичиг болдог гэдгийг мэргэжлийн байгууллагынхан дүгнэсээр иржээ. Үүний нэг тод жишээ нь дэлхийн дулаарал 08 хувьтай байхад  манай улсынх 2,4  хувь болсон нь дэлхийн дулааралаас гурав дахин их дулааралтай байгаад анхааралаа хандуулах цаг болсныг гэрчилж байна. Энэхүү дулаарал нь  мал сүргийг газар нутгийнхаа даацаас хэтрүүлж өсгөсөнтэй холбогдож нийт газар нутгийн 65 хувь нь цөлжилсөн нь  дулаарал нэмэгдэх үндэс болсон гэж мэргэжилтнүүд үзэж буй. Тиймээс хүн амд тогтвортой хөгжлийн талаарх суурь ойлголтыг цогцоор нь өгч хэрэгжүүлэх ажлыг эрчимжүүлэх нь одоогийн төр засгийн нэн чухал зорилт гэдгийг БОТХСТийн судлаач Б.Эрдэнэчимэг, Ц.Төмөрбаатар нар хэлж байна. 

Эх сурвалж: www.zms.mn