Х.ЦОМ

Нийслэлийн АН-ын дарга Э.Бат-Үүлийг С.Зоригийг хөнөөсөн хэрэгт яллагдагчаар татжээ. Тэрээр үүнийг эсэргүүцэж сэтгүүлчдэд мэдээлэл хийхдээ “Сонгууль дөхөөд ирэхээр манай тойрог дээр намайг С.Зоригийг зэрлэгээр хөнөөсөн гэх мэт мэдээлэл тараадаг. МАН сонгуульд ялсан жилээ намайг хийгээгүй хэргийн төлөө шоронд хорьж байсан. Намайг хорьсныхоо төлөө дэд хурандаа цолоор шагнуулсан хүн ч бий. Би Ц.Элбэгдоржид гадаадаас С.Зоригийн хэргийг мөрдөх өндөр мэргэжлийн хүмүүсийг хөлсөлж авч ир гэж хэлсэн . Гэтэл цагдаагийн байгууллага зөвшөөрөхгүй байна гэсэн мэдээлэл явсан. Сонгуулийн өмнө намайг С.Зоригийг алж байхыг харсан мэтээр гүтгэсэн.

Сонгуулийн дараа Тагнуулын байгууллагаас дуудаж сэжигтнээр татах тогтоол гардуулсан. Өмнө ч тэгэж байсан. Энэ бол Эрүүгийн байцаан шийтгэх хуульд байхгүй заалт. Би мэдүүлэг өгөхгүй гэсэн. Би өөрийгөө хамгаалах эрхтэй. С.Зоригийн хэргийг илрээсэй гэж өдөр бүр залбирдаг. Намайг  шалгавал хуулийн дагуу шалгах ёстой. Хууль зөрчиж байна гэдэг чинь цаанаа захилагчтай байна гэсэн үг. С.Зоригийг алагдсанаас хойш 16 жилийн дараа анх удаа надаас хурууны хээ болон үс, цусны харьцуулсан шинжилгээ авсан. С.Зоригийг хөнөөсөн хэрэгт намайг яллагдагчаар татаж буйг би хүлээн зөвшөөрөхгүй" гэсэн юм. 

Эх сурвалж: www.polit.mn