Ц.БАЯР

Монголбанкны мөнгөний бодлогын  зөвлөл нь нийт арван дөрвөн гишүүнээс бүрддэг. Тус зөвлөлийн есөн гишүүнийг Монголбанкнаас томилдог бол дөрөв нь хараат бус хөндлөнгийн судлаач, эдийн засагчид байдаг.  Хараат бус  гишүүдийн нэгээр, "Монголд та хэрэгтэй" ТББ-ын тэргүүн Б.Баттүшиг сонгогдсон байна. Б.Баттүшиг нь  Сү.Батболдын хүү бөгөөд саяхан шинээр нээгдсэн“И-март” дэлгүүрийн эзэн юм. Тиймээс олон нийт  хараат бус зөвлөлд  МАН-ын ашиг сонирхлыг төлөөлөх хүн сонгогдлоо хэмээн хардаж буй юм. Түүнчлэн УИХ-ын дарга М.Энхболдын хүү Монголбанкинд шургалжээ. Түүний хүү  Э.Анар Монголбанкны Төлбөр тооцоо, бүртгэлийн газрын захирал болсон гэнэ. УИХ-ын дарга төрийн албыг ч ёстой нэг төрлийн алба болгож буйг маргааш, нөгөөдөр хэн гэдэг эрхмийн хүүхэд монголын  чухал салбарын сэнтийд  шургалах бол гэдгийг харах үлдлээ хэмээн сошиал ертөнцийнхөн шүүмжилж байна. Эрүүл мэндийн сайдаар М. Энхболд өөрийн худ А.Цогцэцэгийг томилсон байдаг. Уг нь. МАН 2016 оны УИХ-ын сонгуульд “Төрийн албыг төрлийн болгохгүй”  хэмээн амлаж байсан нь саяхан.

Эх сурвалж:www.polit.mn