С.САРУУЛ

Хөрөнгө оруулагчдыг төрийн захиргааны болон хуулийн байгууллагын дарамтаас хамгаалах, учирч буй хүндрэлтэй асуудлыг судалж шийдвэрлэх  Ажлын хэсэг байгуулагджээ.  Энэ асуудлаар өнөөдөр /2016.09.05/ Ажлын хэсгийн ахлагч ХЗДХ-ийн сайд С.Бямбацогт гишүүдийн хамт мэдээлэл хийв. 2012 онд 4.4 тэрбум ам.доллар байсан хөрөнгө оруулалт 2016 оны эхний хагас жилд 130 дахин багассан нь аж. Энэ талаар Ажлын хэсгийн ахлагч С.Бямбацогт “Хөрөнгө оруулалт  буурсан нь  эдийн засгийн нөхцөл байдлаас гадна татвар, хууль эрх зүйн орчин,  төрийн захиргааны бодлого, төрийн албан хаагчдын үйл ажиллагаа, тэднээс гадна дотны хөрөнгө оруулагчдад үзүүлсэн элдэв дарамт, хүнд суртал хамгийн ихээр нөлөөлсөн гэж үзэж байгаа.Гадаадын 200, дотоодын 5000 иргэнийг хилээр гарахыг хориглосоныг  ямар учиртайг нягталж үзнэ. Санал, дүгнэлтээ ирэх сарын 1-ний дотор Засгийн газарт танилцуулна. Тиймээс энэ сарын 15 хүртэл 263682 тоо утас болон medeelel@moj.gov.mn хаягаар төрийн захиргааны байгууллагуудтай холбоотой санал гомдлоо өгч болно. Ажлын хэсэг мэдээллийг нууцыг чандлан хадгалах бөгөөд ирүүлсэн хүсэлт, санал гомдлын мөрөөр шуурхай шалгаж шийдвэрлэх арга хэмжээ авч ажиллана” гэлээ.

Эх сурвалж: www.polit.mn