Ц.БАЯР

2016-2017 оны хичээлийн шинэ жилийн босгон дээр олон улсын мэдээлэл харилцааны чиглэлээр  “Эм Ай Ю” дээд сургууль шинээр үүд хаалгаа нээсэн байна. Өнөөдөр/09.02/ тус сургуульд “Хэвлэл мэдээллийн өнөөгийн чиг хандлага”  олон улсын сэтгүүлчдийн симпозиум боллоо.  БНСУ-ын Элчин сайд У Сун, БНСУ-ын KBS TV-ийн удирдах зөвлөлийн дарга Ли Инху зэрэг хүндэт зочид  оролцож, АНУ-ын Сиракюс Их Сургууль, БНСУ-ын Кванүн Их Сургууль, МУИС, МУБИС, “Эм Ай Ю” дээд сургуулийн Хэвлэл мэдээлэл, сэтгүүлзүйн сургуулийн доктор профессор багш нар илтгэл тавилаа. Симпозиумын  гол зорилго нь : “Хэвлэл мэдээлэл, харилцаа холбооны талаарх боловсролын тогтолцоо, цахим ертөнцийн чиг хандлага, Монголын хэвлэл мэдээллийн өнөөгийн байдлын талаар хэлэлцэж,  олон улсын хэвлэл мэдээллийн байгууллагуудын туршлагаас суралцах тухайлбал  АНУ-ын ижил төрлийн байгууллагууд, БНСУ – ын хэвлэл мэдээллийн хэрэгсэлүүд  / KBS – тэй / нягт хамтран ажиллах харилцан суралцах сэтгүүл зүйн бодлогыг  шинэ шатанд гаргах эх үндэсийг бий болгоход оршино” гэж “Эм Ай Ю” дээд сургуулийн захирал Доктор Вон Вухён энэ үеэр хэллээ. Симпозиумыг  Монголын Сэтгүүлчдийн Нэгдсэн Эвлэл, Монголын Үндэсний Олон Нийтийн Радио Телевиз хамтран зохион байгууллаа. Уг арга хэмжээнд БНСУ – ын хэвлэл мэдээллийн салбарын нэр хүнд бүхий хүндэт зочид,  БНСУ – аас Монгол Улсад суугаа Элчин сайд, БСШУСЯ – ны асуудал хариуцсан мэргэжилтэнгүүд, Монгол Улсад үйл ажиллагаа явуулж байгаа хэвлэл мэдээлэллийн төлөөлөгчид, сэтгүүл зүйн хөтөлбөрөөр сургалт явуулдаг зарим их дээд сургуулийн удирдлага, багш, оюутны төлөөлөл  оролцсон.

Эх сурвалж:www.polit.mn