Х.ЦОМ

Засгийн газрын ээлжит бус хуралдаанаар өнөөдрөөс эхлэн /2016.09.01/ хэрэгжиж эхлэх ёстой байсан Эрүүгийн болон Зөрчлийн тухай хуулийг хойшлуулаад байгаа нь шүүмжлэлд өртөөд байгаа юм. Өөрөөр хэлбэл, Эрүүгийн болон Зөрчлийн хууль хэрэгжсэнээр олон хүний эрхзүйн байдал дээрдэнэ, суллагдана гэсэн хүлээлт нийгэмд байсан юм. Гэвч ээлжит бус чуулганы хуралдаанаар ирэх оны долдугаар сарын 1 хүртэл хойшлуулсан. Тэгвэл дээрх хуулиудыг хойшлуулсан талаар Хуульзүйн байнгын хорооны дарга Ш.Раднаасэд “Эрүүгийн болон Зөрчлийн хууль хэрэгжсэнээр хоригдож байгаа хүмүүсийн хариуцлага буурах, эрхзүйн байдал дээрдэх тодорхой зүйлүүд байгаа. Гэхдээ энэ хуулиуд хэрэгжсэнээр 70 гаруй зүйл ангийн гэмт хэрэг шинээр нэмэгдэнэ. Өмнө нь захиргааны зөрчил болдог байсан бол гэмт хэрэг болж эрүүгийн хариуцлага хүлээнэ. Хамгийн энгийн жишээ хэлэхэд хүүхдийг тэвчишгүй хөдөлмөр эрхлүүлэх, сэтгүүлчид мэдээлэл хайх хүлээн авахад саад учруулах зэрэгт эрүүгийн хариуцлага хүлээж хорих хүртэл арга хэмжээ авахаар байгаа” гэдгийг хэллээ.

Эх сурвалж: www.polit.mn