Х.ЦОМ

“Рио-2016” олимпийн чөлөөт бөхийн эрэгтэйчүүдийн 65 кг-д зодоглосон  ДАШТ-ий хошой хүрэл медальт, гавьяат тамирчин Г.Мандахнаран хүрэл медалийн төлөөх барилдаанд ДАШТ-ий мөнгө, Азийн наадмын хүрэл, Азийн АШТ-ий мөнгө, хүрэл медальт, Узбекстаны Наврузов нарын барилдаан монголчууд төдийгүй дэлхий нийтийг шуугиулаад байна. Олон нийт Г.Мандахнарангийн олимпийн хүрэл медалийг луйвардсан хэмээн эсэргүүцээд байгаа юм.  Тэгвэл хошин урлагийн “Маск” продакшны зүгээс түүнд онцгой эрх бэлэглэснээс цахим хуудсаараа дамжуулан мэдэгдлээ. Тус продакшн “Хүн төрлөхтний эв нэгдэлийн бэлэг тэмдэг болсон ээлжит нэгэн олимп энэ хүрээд дууслаа. Хэдийгээр бид итгэл найдвараа тээлгэн 42 тамирчнаа илгээсэн боловч тэднийг минь хавчиж боож луйвардсаар тэмцээн дууслаа. Монголчууд бид юу байна түүгээрээ л нэг нэгнээ дэмждэг ухаалаг ард түмэн. Эцсийн мөч хүртэл тэмцэж хүрэл медалийн болзол хангасан Г.Мандахнарандаа "МАСК" продакшн оршин тогтнох бүх цаг үед хүссэн үедээ гэр бүлээрээ үнэгүй тоглолт үзэх эрхийг өгье. Залуу минь Риогоос ирэхэд чинь "Эх Орон Инээмсэглэж Байна" гэжээ.

Эх сурвалж: www.polit.mn