Ц.БАЯР

Хүүхдэд нь багадсан, өмсөхөө больсон дүрэмт хувцсыг "Хуучин дүрэмт хувцсаа хандивлацгаая" аянаар дамжуулан шинэ дүрэмт хувцас худалдан авах эдийн засгийн боломжгүй хүүхдүүдэд өгөх боломжтой болжээ. Дүрэмт хувцас хэрэгцээтэй байгаа хүүхдүүдтэй хандивлаж байгаа хүн өөрийн биеэр уулзах боломжтой ч хүүхдийн эрхийг хамгаалах үүднээс зургийг нь авч, олон нийтэд түгээхгүй байх зарчим баримталж байгаа ажээ. Наймдугаар сарын сүүл хүртэл үргэлжлэх энэхүү аянд зөвхөн дүрэмт хувцсаар хязгаарлагдахгүй хүүхдүүд үеийнхэндээ туслахаар өөрийн гараар хийсэн үсний зүүлт, боолт, үзэгний хуучин сав болон хэрэглэхээ больсон сурах бичиг, хичээлийн хэрэглэлийг хэрэгтэй хүүхдүүдэд нь хандивлаж байгаа аж. Дэлгэрэнгүй мэдээллийг фэйсбүүкийн "Хуучин дүрэмт хувцсаа хандивлацгаая" хуудас болон 70105105 утаснаас авах боломжтой. Дүрэмт хувцас хүлээн авах хаяг: Монгол 3-р сургуулийн замын урд Үндэсний биеийн тамирын дээд сургуулийн 402 тоот, "Гүнж" төвийн байр

Эх сурвалж:www.zms.mn