Б.ЭНХЖИН

Монгол Улсын Ерөнхийлөгч Ц.Элбэгдоржийн ивээл дор зохион байгуулж буй “Монгол судлал ба тогтвортой хөгжил” сэдэвт  Олон улсын монголч эрдэмтний XI их хурал өнөөдөр Төрийн ордонд нээлтээ хийлээ.  Эрдэмтэд өнөөдрөөс эхлэн  18-ныг хүртэл  чуулах юм. 

 “Монгол судлал ба тогтвортой хөгжил” сэдэвт  Олон улсын монголч эрдэмтний таван салбар хуралдааны дагуу зохиогдох бөгөөд нийт 29 орны 430 монголч эрдэмтэн, судлаачид илтгэл тавьж хэлэлцүүлэх юм байна. Чуулганыг Монгол Улсын Ерөнхийлөгч Ц.Элбэгдорж, Ерөнхий сайд Ж.Эрдэнэбат, Олон улсын Монгол судлалын холбооны ерөнхийлөгч Клаус Сагастер, Шинжлэх ухааны академийн тэргүүн дэд ерөхийлөгч

Д.Рэгдэл нар нээж үг хэллээ.  Тэд хэлсэн үгэндээ дэлхийн монголч эрдэмтэд Монгол Улсын тогтвортой хөгжлийн бодлогыг тал бүрээс нь хэлэлцэж байгаа нь өндөр ач холбогдолтой болохыг онцлов.

Салбар хуралдаануудын  нээлт Төрийн ордны Их танхим, Их эзэн Чингис хааны танхим, Жанжин Д. Сүхбаатарын танхим, В болон Г танхимуудад тус тус болно. Салбар тус бүрийн үндсэн илтгэл явагдсаны дараа оролцогчид илтгэлээ тавьж хэлэлцүүлэх ажээ. Өдөрт арав гаруй илтгэл тавигдах бөгөөд МУИС, МУБИС, СУИС, Монгол-Японы зэрэг газруудад болохоор төлөвлөгджээ.

Эх сурвалж: www.polit.mn