Т.САЙХАН

Рио-де-Жанейро хотноо болж буй зуны олимпийн наадам өнөөдөр /08.12/ долоо дахь өдрөө үргэлжилж байна.  Монголын баг тамирчид жүдо бөх, бокс болон усанд сэлэлтийн төрөлд өрсөлдөнө.  Тэмцээний хуваарийг танилцуулж байна.

БОКС:

Зургаан тамирчинтай Риог зорьсон боксын багийн Г.Ган-Эрдэнэ, Н.Түвшинбат нар тэмцээнээ өндөрлүүлээд байна. Харин боксчдын медалийн төлөөх өрсөлдөөн өнөөдрөөс эхэлнэ.  Эрэгтэй 60 кг-ын жинд Д.Отгондалайгийн  Алжирын боксчин Реда Бенбазиз-тай хийх хүрлийн тулаан үүрийн 06.00 цагт болно.

УСАНД СЭЛЭЛТ:

Усан сэлэлтийн төрөлд оролцож буй Монголын хоёр дахь тамирчин Б. Есүй юм. Тэрээр өврөөр даллах сэлэлтийн 50 метрийн төрөлд улсаа төлөөлөн оролцоно. Б.Есүйгийн уралдаан Улаанбаатарын цагаар шөнийн 01.11 цагаас эхэлнэ.

ЖҮДО БӨХ:

Олимпийн наадмын эхний өдөр эхэлсэн жүдо бөхийн төрлийн тэмцээн өнөөдөр өндөрлөнө. Эрэгтэйчүүдийн +100 кг, эмэгтэйчүүдийн +78 кг-ын жингийн барилдаан үлдээд байна. Олимпийн наадамд тугчийн үүргийг гүйцэтгэсэн Б.Тэмүүлэн энэ өдөр барилдана.

Эх сурвалж:www.polit.mn