Т.ДАЛАЙ

Олимпийн наадмын хоёр  дахь өдөр үргэлжилж байна.  Өчигдөр /08.06/ байт харваа жудо бөхийн хоёр жингийн тулаан болсон бол өнөөдөр /08.07/ буудлагын хүндийг өргөлт, боксийн тулаанд Монголын тамирчид оролцоно.  Тэдний цагийн хуваарийг танилцуулж байна.

БУУДЛАГА

Эмэгтэйчүүдийн 10 метрийн хийн гар бууны дасгалд өнөөдөр /08.07/ зургаа дахь олимпийн наадамдаа оролцож буй Гавьяат тамирчин О.Гүндэгмаа, ОУХМ Ц.Мөнхзул нар цэц сорино. Тэмцээн Монголын цагаар оройн 21:00 цагаас эхэлнэ.

ХҮНДИЙГ ӨРГӨЛТ

Эрэгтэйчүүдийн 56 кг-ийн жингийн тэмцээн болж, залуу тамирчин Ө.Чагнаадорж өрсөлдөнө. Оросын тамирчин допингийн эсрэг зөрчил гаргасан тул хэдхэн хоногийн өмнө Риод ирэх үүрэг хүлээсэн Ө.Чагнаадорж хоёр өдрийн өмнө тосгонд ирсэн юм.

ЖҮДО БӨХ

Энэ өдөр жүдо бөхийн эрэгтэйчүүдийн 66 кг, эмэгтэйчүүдийн 52 кг-ийн жингийн медалийн эзэд тодорно. Монголын жүдочдоос Д.Төмөрхүлэг, А.Цолмон нар дээрх жин өрсөлдөнө. Тэмцээн Монголын цагаар 22:00 цагаас эхэлнэ.

БОКС

69 кг-д хүч үзэх Б.Түвшинбатын тулаан Риогийн 12:00 цагаас буюу Улаанбаатарын цагаар  00:00 цагаас болно.

Эх сурвалж:www.polit.mn