Т.АНАНДА

            Их Британи Европын холбооноос гарахаар шийдвэрлэсэн нь олон нийтийн дунд янз бүрийн таамаг сэжгийг төрүүлж байна. Зарим шинжээчид энэ нь Европын холбооны задралын эхлэл гэж томъёолж буй. Үүнтэй холбоотойгоор зөнч мэргэдийн зөгнөлийг ч эргэн харж, мэдээлж байгаа билээ. Оросын mixednews.ru сайтад нэрт зөн билэгтэн Ванга Европын холбооны задралын талаар зөгнөсөн тухай бичжээ.

            Их Британи Европын холбооноос гарсанаар Европын холбооны задралыг эхлүүлсэн энэхүү үйл явцыг Болгарын үзмэрч Ванга зөгнөн хэлсэн байжээ. Түүний ихэнхи зөгнөлүүд биелсэн юм гэж британийн The Sun сэтгүүлд бичжээ. Сохор эмэгтэй АНУ-д болсон 9-р сарын 11-ний халдлага, Тайландын цунами гээд олон үйл явдлыг урьдчилан зөгнөж хэлсэн байдаг.

            Тэрбээр 2016 оны сүүл гэхэд Европ “оршин тогтнохоо болино” хэмээн зөгнөсөн аж. Тиймээс саяхан өрнөөд буй үйл явдалтай холбон олон хүн зөнчийн зөгнөл биелж эхэллээ хэмээн үзэж байна. Европын холбооноос гарна гэсэн Их Британийн шийдвэрийг дагаад өөр олон орон ч уг холбооноос гарч болзошгүй байна.

            Ванга нь 85 насласны эцэст 1996 он нас барсан бөгөөд түүний зөгнөлүүдийн 85% нь биелсэн гэж судлаачид үздэг. Түүнийг Балканы хойгийн Нострдамус гэж нэрлэх нь бий. Ойрхи Дорнодод өрнөөд буй үйл явдлууд, тэр дундаа “Исламын улс” бүлэглэлтэй хийж байгаа тэмцэл зэргийг ч Ванга зөгнөсөн байдаг гэнэ. 2016 онтой холбоотой түүний өөр нэг зөгнөл бол Европыг алан хядагчид эзэлж, “Арабын хавар” эхлэнэ гэсэн зөгнөл юм. Тэрбээр 2016 оны сүүл гэхэд одоогийн бидний мэдэх Европ үгүй болж, “хоосон газар” болон хувирна гэжээ. Лалынхан европчуудын эсрэг химийн зэвсэг хэрэглэх ба энэ бүх дайн тэмцэл 2043 онд Ром хотноо төвтэй Европын халифат байгуулагдсанаас төгсгөл болно гэсэн байна.

            Вангагийн ирээдүйн зөгнөлд байгаа найдвар төрүүлэх нэг хэсэг нь Орос улстай холбоотой. Тэрбээр Орос орон соёл иргэншлийн аврагч нь болох бөгөөд “Хэн ч Орос орныг зогсоож дийлэхгүй, бүгдийг замаасаа арчин зайлуулж, өөрөө бүрэн бүтэн үлдээд зогсохгүй дэлхий ертөнцийг эзэгнэх болно” гэжээ. 

Эх сурвалж:www.polit.mn