Б.Энхжин

Япон улс жуулчдынхаа тоог хоёр дахин нэмэгдүүлэх, “Маглев” соронзон галт тэрэгний замын ажлыг түргэсгэх, гадны орнуудад үзүүлсэн барилгын төслүүдийн тусламж зэрэг дэд бүтэцдээ 61 их наяд иен /61 тэрбум ам.доллар/-ыг зарцуулахаар болсон байна. Японы засгийн газар энэ бүх зардлыг баталсан бөгөөд  Ерөнхий сайд Шинзо Абэ долоо хоногийн өмнө дефляциас хурдан гарч гуравдагч том эдийн засгийг бий болгох талаар ч дурдаж байжээ.

Өнгөрсөн жилийн хувьд усан онгоцоор Япон улс руу 1,1 сая жуулчин ирсэн.  Энэ нь өмнөх жилийнхээс  хоёр дахин нэмэгдсэн байна. Иймд Засгийн газраас боомтуудыг өргөтгөх, Токио хотын нутаг дэвсгэр дэх нисэх буудлуудын хүчин чадлыг нэмэгдүүлэх зэрэг ажлыг  дэмжин ажиллахаа мэдэгдсэн билээ. Мөн 2020 онд Токио хотноо зохиогдох зуны олимпийн наадмаар жуулчдын тоог таван  саяд хүргэх төлөвлөгөөтэй байгаа аж.

Үүнээс гадна “Маглев” соронзон гал тэрэгний Нагояа- Токио чиглэлийн зам нь 2027 онд нээлтээ хийх бөгөөд Нагояа- Осака чиглэлийн замын нээлтийг найман жилээр наашлуулах буюу 2045 онд нээхийн тулд засгийн газраас зээл олгож туслахаа зарласан байна. Есөн их наяд иенийн өртгөөр босож байгаа энэхүү галт тэрэг нь 630 км/ц-ийн хурдтайгаар рекорд тогтоогоод байгаа билээ.

Эх сурвалж: www.polit.mn