Б.МӨНХЖАРГАЛ

“Өргөө синема”, Канад улсын “IMAX” корпорацитай хамтын ажиллагааны гэрээ байгуулан, Улаанбаатар хотноо “IMAX”ын хоёр дэлгэцийг ашиглалтад оруулж байгаа юм.

Одоогоор дэлхий дээр энэ технологийг давж гарах хүчин чадалтай кино театр огт байхгүй. Хамгийн том“IMAX” дэлгэцийн өндөр 24  метр буюу нас биед хүрсэн долоон зааныг дээр дээрээс нь давхарласантай тэнцэх боломжтой. Харин нуман дэлгэцийн өргөн 37 метр хүрэх боломжтой.

“ШангриЛа Молл”-д нээлтээ хийж буй “IMAX” театрын талаар‘’IMAX’’ корпорацийн Ази, Ойрхи дорнод, ОХУ-г хариуцсан салбарын дэд ерөнхийлөгч Жон Шройнерээс тодрууллаа.

- Монголын кино театруудаас ялгарах онцлог юу вэ?

- Монголын  бусад кино театруудын дэлгэцийг тав дахин нугалсан буюу 22х12м харьцаатай дэлгэцээрээ хамгийн том онцлогтой байгаа. Энэ нь дөрвөн давхар байшингийн өндөртэй тэнцүү юм. Мөн хоёр проектор ашигладаг учраас дүрсний чанар илүү сайн.

- Монгол улс IMAX театртай хэд дахь орон болж байгаа вэ?

- Өнөөдрийн байдлаар дэлхий даяар нийт 70 орны 837 “IMAX” театр үйл ажиллагаа явуулдаг. Монгол улс  71 дахь улсаар бүртгэгдэн нээлтээ хийж байна.“IMAX”-ын хяналтын төвөөс жилийн бүх өдрийн бүх цаг, минутад дэлхийн өнцөг булан бүрт байрлах театруудынхаа хэвийн үйл ажиллагааг хянаж байдаг бөгөөд хэн нэгэн гар аргаар дүрс, дуугаралтыг өөрчилбөл тэр дор нь илрүүлээд, хэвийн болгодог гэсэн юм.

“IMAX” кино театр нь асар том кино дэлгэц төдийгүй, кино бүтээлийн дуу дүрс маш тод,  хурц, өндөр нягтралтайгаар дамжуулдаг.Үзэгчид кино үзвэрийг зөвхөн үзээд өнгөрөх төдийгүй гайхамшигт кино бүтээлийн нэгэн хэсэг болсон мэт мэдрэмжийг авдагаараа ямар гайхалтай болохыг сая сая үзэгч, үйлчлүүлэгчид батлан харуулсаар иржээ.

Кино театрын нээлтийн эхний өдрүүдэд 'Star Trek: Beyond'-оос гадна "Now You See Me-2" кино гарах аж. Үзвэрийн тасалбарыг онлайнаар болон “Өргөө 1, 2” кино театрын кассаар худалдаалж эхэлсэн. Тасалбарын хувьд том хүн 15 мянга, хүүхэд 12 мянган төгрөгөөр үзвэр үзэх боломжтой юм байна.

Эх сурвалж:www.polit.mn