Б.Уранзаяа

Цагдаагийн байгууллага үүсэн байгуулагдсаны 95 жилийн ойг тохиолдуулан Нийслэлийн Засаг дарга С.Батболд Үндэсний баяр наадам болон АСЕМ-ын 11 дэх удаагийн дээд түвшний уулзалтыг зохион байгуулахад хүлээсэн үүргээ нэр төртэйгээр биелүүлсэн цагдаагийн алба хаагч нарт талархал илэрхийлж мөнгөн шагналаар урамшууллаа. Мөн Улаанбаатар хотын цагдаагийн газрын дарга, цагдаагийн хурандаа Ч.Болдбаатар, Улаанбаатар хотын Замын цагдаагийн газрын дарга, цагдаагийн хурандаа Ч.Жаргалсайхан нар баяр хүргэж, талархал илэрхийллээ.  Энэ үеэр нийслэлийн Засаг дарга  С.Батболд “Цагдаагийн алба хаагчид та бүхэн хүйтэнд хөрч, халуунд халж иргэдийнхээ тайван, аюулгүй байдлын төлөө цаг наргүй зүтгэдэг. Би та нарыг шагнаж урамшуулах тухай захирамж гаргахдаа цагдаагийн албын хамгийн хүнд хэцүүг үүрч байдаг хэсгийг сонгосон. Цаашдаа ч  нийслэлийн Засаг даргын хувьд цагдаагийн байгууллагын техник, тоног төхөөрөмжийг шинэчлэн байгууллагын материаллаг баазыг бэхжүүлэх мөн алба хаагч нарын мэдлэг ур чадварыг дээшлүүлэх чилэлээр олон ажлыг хийж хэрэгжүүлэх болно. Та бүхэнд ажлын өндөр амжилт хүсье” хэмээлээ.

Эх сурвалж:www.polit.mn