Б.ЭНХ

Нийслэлийн Засаг дарга С.Батболд өнөөдөр Азийн хөгжлийн банкны Монгол дахь суурин төлөөлөгчөөр шинээр томилогдсон хадагтай Еланда Фернанда Ломмен болон Азийн хөгжлийн банкны Хот байгуулалтын мэргэжилтэн Арнауд Хэкман нарыг хүлээн авч уулзлаа.

Улаанбаатар хот Азийн хөгжлийн банкны санхүүжилтээр  “Гэр хорооллыг хөгжүүлэх, хөрөнгө оруулалтыг дэмжих хөтөлбөр” төслийг гурван үе шаттайгаар хэрэгжүүлж байгаа бөгөөд төслийн хүрээнд Баянхошуу, Долоон буудал орчмыг дахин төлөвлөж хотын дэд төв болгон хөгжүүлэх юм. Энэхүү төслийн хүрээнд Баянхошуу, Сэлбэ дэд төвүүдийн хэсэгчилсэн ерөнхий төлөвлөгөөг батлуулж,  иргэдийг түр суурьшуулах 50 айлын орон сууцны барилгыг хоёр дэд төвд барьж ашиглалтад оруулсан билээ. Мөн бохирын шугам татаж эхэлсэн төдийгүй цаашид цэцэрлэг, сургууль, Мэргэжлийн сургалт үйлдвэрлэлийн төв, бизнес инкубатор, дулааны станц барихаар төлөвлөөд байгаа юм. 

Азийн хөгжлийн банкны хот байгуулалтын мэргэжилтэн Арнауд Хэкман “Төслийн эхний үе шат дууссан. Одоо  төслийн II үе шатны ТЭЗҮ-ийг боловсруулж байна. Ирэх сардаа багтаагаад ТЭЗҮ бэлэн болно” гэлээ.

Эх сурвалж: www.polit.mn