Normal 0 false false false EN-US X-NONE X-NONE /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:8.0pt; mso-para-margin-left:0in; line-height:107%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin;}

Д.Гэрэл

Улаанбаатар хотноо хоёр өдөр үргэлжилж буй АСЕМ-ын Дээд төвшний 11 дэх удаагийн уулзалтыг дүгнэж Ерөнхийлөгч Ц.Элбэгдорж,Мьянмар улсын Ерөнхийлөгч У Тин Чяу, Словак улсын Ерөнхий сайд Роберт Фицо, Европын зөвлөлийн Ерөнхийлөгч Доналд Туск, Европын комиссын Ерөнхийлөгч Жан-Клод Юнкер нар мэдээлэл хийлээ.

Мэдээллийн эхэндЕрөнхийлөгч Ц.Элбэгдорж “Хоёр тивийн удирдагчид нэгдэж чадлаа. АСЕМ-ын уулзалтын үеэр Монгол Улс зохион байгуулагчийн хувьд соёл уламжлалаа танилцуулж наадам зохион байгууллаа. Дараагийн удаа АСЕМ-ын уулзалт бараг 100 жилийн дараа Монгол Улсад зохион байгуулагдаж магадгүй. Сэтгүүлч нар маш сайн ажиллаа. Дэлхийн 1.5 тэрбум хүн та бүхний бэлтгэсэн мэдээллийг үзсэн байгаа. Та бүхэн Монгол оронтой танилцаж амжсан байх гэж найдаж байна. Мөн та бүхнийг эргэж ирнэ гэдэгт итгэлтэй байна” хэмээн онцолсон юм.

Харин Европын комиссын Ерөнхийлөгч Жан-Клод Юнкер“Хурлын үеэр олон уулзалтууд боллоо. Улс орон бүр өөр өөрийн гэсэн бэрхшээлтэй. Онцлог шинж чанартай. Гэхдээ төрийн тэргүүнүүд бүгд улс орныхоо төлөө явж  байгаа. Энэ уулзалтыг зохион байгуулагч Монгол Улс үнэхээр сайн ажиллалаа. Мэргэжлийн төвшинд өндөр хэмжээнд зохион байгуулсанд талархал илэрхийлж байна. АСЕМ-ын Дээд хэмжээний уулзалт бол уян хатан байдлаар хамтран ажиллах талбар байдагт баярлаж байна. Би өмнөх 10 удаагийн АСЕМ-ын уулзалтад оролцсон. Монголд зохион байгуулагдсан АСЕМ-ын 11 дэх удаагийн уулзалт ач холбогдлоороо хамгийн өндөр, үр дүнтэй боллоо.Дараагийн уулзалт хоёр жилийн дараа Брюсельд болно” гэв.

Мөн Словак улсын Ерөнхий сайд Роберт Фицо АСЕМ-ын уулзалтын үр дүн болоодарга хэмжээг Монголд зохион байгуулсан нь түүнд ямар сэтгэгдэл төрүүлсэн талаараа хуваалцсан юм. Тэрээр “Бид хоорондоо нягт хамтарч ажиллах шаардлага үүссээр байна. Бид өөр өөрсдийн байр суурьтай боловч улс орнуудын харилцан ашигтай байдал дээр хамтрах шаардлага үүсэж байна. Монгол Улсын ард түмэнд гүн талархал илэрхийлж байна. Миний хувьд энэ уулзалтад улс орноо төлөөлөн оролцож байгаа нь нэр төрийн хэрэг юм. Бид байгалийн гамшиг, уур амьсгалын өөрчлөлт гээд олон чухал сэдвүүдийн талаар ярилцлаа. Цаашид АСЕМ-ийг зохион байгуулах өндөр ач холбогдолтой нь харагдаж байна” гэж тодотгосон юм.

Эх сурвалж: www.polit.mn