С.САРУУЛ

 Өнгөрсөн амралтын өдрүүдэд /2016.07.02-03/ Улаанбаатар хотын Замын цагдаагийн газарт 621 дуудлага, мэдээлэл хүлээн авснаас зам тээврийн ослын 431 дуудлага бүртгэгдсэн байна.  Согтуугаар тээврийн хэрэгсэл жолоодсон 119 жолоочийг журамлажээ.  

Тухайлбал: ХУД-ийн нутаг Зайсангийн зам, Зайсан скор төвийн урд замд  Lexus LX-470 маркийн авто машины жолооч Т нь согтууруулах ундааны зүйл хэрэглэсэн үедээ тээврийн хэрэгсэл жолоодон явган зорчигч 48 настай эрэгтэй Ж-г мөргөж амь насыг нь хохироосон.

БЗД-ийн нутаг Сармисын хонхор 664 Б тоот хашааны урд замд У нь унадаг дугуй унаж хөдөлгөөнд оролцохдоо  T.Prius маркийн З жолоочтой авто машинтай шүргэлцэж унадаг дугуй унаж явсан 03 настай эрэгтэй У гэмтсэн.

Хөдөө орон нутаг:

-Дорноговь аймгийн Замын үүд сумаас хойш 44 км-т T.Camry маркийн авто машины жолооч Н нь Suzuki Alto  маркийн Д жолоочтой авто машинтай  мөргөлдөж зорчигч 50 настай эмэгтэй Б нарын 5 хүний амь нас хохирсон.

-Баян-өлгий аймгийн төвөөс зүүн тийш 30 км-т Алтанцөгц сумын 1-р багийн нутаг Ургамалын хөтөл гэх газарт Uaz маркийн Б жолоочтой авто машин онхолдож зорчигч 52 настай эмэгтэй А-ийн амь нас хохирсон.

Хоёрхон хоногийн дотор хотод нэг, хөдөө орон нутагт зургаан хүний алтан амь хохирчээ. Ялангуяа найр наадам дөхөж байгаа энэ үед орон нутгийн замын ачаалал нэмэгдэхийн хэрээр жолооч нар хөдөлгөөнд анхааралтай болгоомжтой оролцохыг Замын цагдаагийн газраас анхааруулж байна.  

Эх сурвалж: www.polit.mn