Г.ГАНЧИМЭГ

Мэргэжлийн боловсрол, сургалтын үндэсний зөвлөлийн анхдугаар хуралдаан өчигдөр боллоо. Энэ нь мэргэжлийн боловсрол, сургалтын талаар төрөөс баримтлах бодлогыг хэрэгжүүлэхэд төр, хувийн хэвшлийн тэнцүү оролцоог хангаж, тогтвортой ажиллах бүрдүүлсэн орон тооны бус байгууллага юм.

Хуралдаанаар тус зөвлөлийн дүрэм, мэргэжлийн болон техникийн боловсролыг хөгжүүлэх үндэсний хөтөлбөр, мэргэшлийн төвшний үндэсний тогтолцооны хүрээ, 2016-2017 оны хичээлийн жилд мэргэжлийн боловсрол, сургалтын байгууллагад суралцагч элсүүлэх мэргэжлийн чиглэл, элсэлтийн хяналтын тоог танилцуулж, эрчим хүчний салбар зөвлөл байгуулах асуудлыг хэлэлцэж, батлан, бодлогын зөвлөмж гаргав. Мөн мэргэжлийн боловсрол сургалтын салбарт тулгамдаж буй асуудлууд, төр, нийгмийн түншлэл, салбар хоорондын уялдаа холбоог хэрхэн хангаж үр бүтээлтэй ажиллах, салбар бүрт шаардлагатай эрэлттэй байгаа хөдөлмөрийн зах зээлийн эрэлтэд нийцсэн мэргэжилтэй ажилтныг бэлтгэх талаар хэлэлцэж, харилцан санал солилцлоо. 

Энэ оны байдлаар НҮБ-ын Хүн амын сан, Европын холбоо, Азийн хөгжлийн банк, Герман, Швейцарь, БНСУ, Сингапур, Энэтхэг зэрэг улсын  нийт есөн төслийг тус салбарт хэрэгжүүлж, нийт 103.5 сая ам.долларын хөрөнгө оруулалт хийжээ. Харин одоогоор манай улсад үйл ажиллагаа явуулдаг төрийн болон хувийн өмчийн 81 МСҮТ, политехник коллежид 194 мэргэжлээр 45 мянга орчим залуус сурч байна.  

Эх сурвалж: www.polit.mn