Б. Номинжаргал

Тусгаар тогтнолын талбайд шовх цагаан асрууд байршуулж, цомхон тайз зассан байна. Талбайд одон тэмдгээ зүүсэн ахмадууд, “Цусаа бэлэглэж амьдралыг тэтгэе” гэсэн уриатай залуус, улаан эс ба сийвэнг илтгэх шаар барьсан жаалууд цугларчээ. Тэд “Цусны донорын дэлхий өдөр”-ийг тэмдэглэж байна.  Тайзны урд суух ахмадуудын нэг нь 21 жилийн турш 80 литр цусаа өгч гурван зуугаад хүний амь аварсан гэнэ. Цаана цусаа хандивлах асарт хүмүүс цусаа өгч байна. Үүдэнд нь олон танилцуулга байна. Үүнд цусаа өгөхийн өмнө зургаагаас дээш цаг амарсан байх, эм тариа 10-14 хоног хэрэглээгүй байх, өөх тостой хоол хэрэглээгүй байх, өнгөтэй ундаа жүүс уугаагүй байх гэсэн шаардлагууд байна.  Асарын өмнө өндөр бор залуу зогсож байв. Тэр залуу бол 15 жилийн туршид 800 гаруй удаа цусаа өгсөн алтан донор Бум-эрдэнэ юм. Тэрээр анх хүүхдүүдийнхээ эмчилгээнд цус сэлбэх шаардлагатай болсноос Цус Судлалын Үндэсний төвтэй холбогдсон гэнэ.

“Цусны донорын дэлхий өдөр”-ийг 2004 оноос эхлэн бусдад амьдрал бэлэглэсэн ачтан доноруудын ариун үйлсийг сурталчлах, тэднийг алдаршуулах, залуучуудыг цусны донорын үйлсэд оролцуулах зорилгоор жил бүрийн зургадугаар сарын 14-ний өдөр тэмдэглэж иржээ.  Та бүхэн донорын эгнээнд нэгдэхийг хүсвэл Сүхбаатар, Баянгол, Бянзүрх дүүргүүд дэх цус цуглуулах төвд хандаарай.

Эх сурвалж:www.polit.mn