Б.Туул

Хэдийгээр хичээл, сургууль амарсан ч бага боловсролын хөтөлбөр хөдөө орон нутагт амжилттай хэрэгжиж байгаад эцэг, эхчүүд ам сайтай байна. “Хөтөлбөрийг шинэчилж, хүүхэд бүрийг хөгжүүлнэ гэдэг нь зөвхөн сургуулийн хариуцах ажил биш юм. Иймд манай Хөвсгөл аймгийн Мөрөн сумын иргэд үүнийг маш сайн ойлгож, эцэг эхийн зөвлөл байгуулан  сургуультайгаа нягт холбоотой ажилладаг болсон” гэдгийг Хөвсгөлийн  иргэд ярьж байна. Тухайлбал,  “Эрдмийн далай” цогцолбор сургуулийн бага ангийн эцэг эхийн зөвлөл 88 гишүүн, зөвлөлийн 22 даргатай.  Бүлэг дундын 5 ахлагчтай. Дөрөвтийн системээр ажиллаж, өнгөрсөн хичээлийн жилд багш нартайгаа нийлээд, хүүхдүүдээ чамгүй хөгжүүлсэн талаар бахархан ярьж байна.

Тэд  үдийн цай уух дэг, өдрийн дэглэм, завсарлагааны дэг /төрийн дуулал, сургуулийн сүлд дуу, сурагчийн тангараг унших гэх мэт/ сургуулийн дотоод журам, ангийн дэг зэргийг хэрэгжүүлэхэд хүүхэддээ зөвлөж тусалдаг юм байна.  Мөн  лхагва гараг бүр “ Уншлагын цаг”, “Үлгэрийн цаг” нэртэй хичээлийг эцэг эхчүүд хоёр, хоёроороо зохион байгуулдаг болжээ.  Одоогоор 376 ээж, аавууд 88 эх, болон үлгэрийг хүүхдүүдэд уншиж , хүүхдүүдээр уншуулж, дүр бүтээлгэн, утгыг яриулсан байна. Энэ мэтчилэн эцэг эхчүүдийн хүүхдээ сургуульд нь даатгаад л орхидог байсан хуучинсаг хандлага өөрчлөгдсөн байна. Эцэг эхчүүдийн төлөөлөл энэ тухай ярихдаа “Хүүхэд нэг өдөрт хамгийн олон цагийг гэртээ л өнгөрүүлдэг. Сургууль дээр хичнээн сайхан юм үзэж, харж, сурч ирсэн ч гэрт нь түүнийг нь ойшоохгүй, сонсохгү

й, дэмжихгүй бол тэр хүүхэд яаж хөгжих вэ дээ. Тийм болохоор бид багштайгаа хамтраад хүүхдээ хамтдаа хөгжүүлье гэж зорьдог болсон” гэв.

Эх сурвалж: www.polit.mn