Т.САЙХАН

Зуны дунд сарын шинийн 4-ний /06.08/ өдөр Шилийн богд уулын тахилга боллоо. Тахилгын үеэр шилийн сайн эр Тоорой бандийн амьд дүр гэгддэг МУСТА, жүжигчин Х.Ганхуяг тоорой бандийн хувцастай уулан дээр гарч, сүсэгтэн олны хамтаар Шилийн богд ууландаа тангараг өргөжээ. Мөн сүсэгтэн олонд Шилийн богд уул болон Тоорой бандийн талаар мэдээлэл өгсөн нь олны сонирхлыг татсан байна. Анхны тахилгыг аялал жуулчлалын чиглэлээр үйл ажиллагаа явуулдаг "Агшуун хайрхан" компани Хөх тэнгэрийн зам аялал жуулчлалын бааз, Сүхбаатар аймгийн бурхан шашинтны төв Эрдэнэмандал хийд, нутгийн зон олны дэмжлэгтэйгээр хамтран зохион байгууллаа.

Шилийн богд уулын тахилгыг Сүхбаатар нутгийн зон олноос гадна Улаанбаатар хот болон хөрш зэргэлдээх Хэнтий, Дорнод төдийгүй баруун аймгуудаас хүртэл сүсэгтэн олон зорин очсон байна. Тус тахилгыг зохион байгуулсан Эрдэнэмандал хийдийн Да лам Ж.Энхбаатар “Шилийн богд уул тахилгыг таалж, орой дээр нь гарахад хийсгэм салхитай байдаг. Уул маань энэ өдөр сэвэлзэх ч салхигүй нар хураа тэгшлэн сайхан хүлээж авлаа” гэв.

Эх сурвалж:www.polit.mn