Д.ОЮУН

Орон даяар нэр дэвшигчдийн сонгуулийн сурталчилгээ эхэлчихлээ. Нийт 498 хүн өрсөлдөхөөр болсон. Бүрэн эрхтэй байгаа УИХ-ын 62 гишүүн энэ удаагийн сонгуульд нэр дэвшиж байгаа юм. Харин хууль бусаар завсарласан чуулган энэ сарын 23-нд бүрэн ирцтэйгээр хуралдах эсэхийг харах үлдэж байна. Учир нь

УИХ-ын дарга З.Энхболд УИХ-ын чуулганыг түр завсарлуулах тухай 62 тоот захирамжийг 2016 оны тавдугаар сарын 24-ны өдөр гаргасан. Тодруулбал, УИХ-ын тухай хуулийн 11 дүгээр зүйлийн 11.2, 29 дүгээр зүйлийн 29.14 дэх хэсэг, УИХ-ын даргын дэргэдэх Зөвлөлийн саналыг харгалзан УИХ-ын 2016 оны ээлжит сонгуулийн үйл ажиллагаатай холбогдуулан УИХ-ын чуулганыг 2016 оны зургадугаар сарын 23-ны өдрийг хүртэл түр завсарлуулахаар дурджээ.

Сонгуулийн сурталчилгааны ид үед галын цэгээ орхиод ирэх эрхэм гишүүн хэд байх бол хэмээн учир мэдэх нэгэн хэллээ. Энгийн үед ирц нь хүрдэггүй чуулганыг сонгуулийн сурталчилгааны оргил үеэр дөрвөн зүг, найман зовхист тарсан эрхэм гишүүдээ бүрэн цуглуулан, чуулганаа УИХ-ын дарга100 хувь ирцтэй хуралдуулж чадах болов уу. Харж л байя.