Т.ДАЛАЙ

УИХ-ын сонгуулийн тухай хуульд заасны дагуу УИХ болон НИТХ-д нэр дэвшигчдийн сурталчилгаа өнөө шөнийн 00.00 цагаас эхлэнэ.
Телевизээр өдөр бүх нэр дэвшигч нэг цагийн хугацаанд төлбөрт материалаа цацуулах эрхтэй бөгөөд хэн захиалсан гэдгийг тодорхой бичих учиртай. СЕХ-ноос нэр дэвшигч нэг бүрт зориулан сурталчилгааг хэрхэн явуулах талаар зөвлөмж хүргүүлсэн бөгөөд хуульд заасан хүрээнд сурталчилгаа явуулахгүй бол хуулийн дагуу арга хэмжээ авна гэдгээ мэдэгдсэн.
Мөн 18 хоногийн хугацаанд нэр дэвшигч сонгогчийн санал худалдаж авах зорилгоор мөнгө тарааж тэр нь баримттай илэрсэн тохиолдолд хөдөлмөрийн хөлсний доод хэмжээг 20 дахин нэмэгдүүлсэнтэй тэнцэх хэмжээний мөнгөн торгууль ногдуулж, мэдээлэл өгсөн иргэнд урамшуулал өгөхөөр хуульчилсан юм. 
 Мөн нэр дэвшигч энэ сарын 11-нээс 28-ныг хүртэл сурталчилгаа хийх бөгөөд бусад тохиолдолд сурталчилгаа явуулвал мөн л нэр дэвшигчээс эрүүлэн татах хүртэл арга хэмжээ авна.
Сурталчилгааны хугацаанд хэн нэгний нэр хүндэд халдах, зохион байгуулалттай мэдээлэл цацах зэргээр бусдын саналд нөлөөлөх оролдлого ч олон гарах учраас энэ мэт зүйлд иргэд сонгогчид цензуртэй, хяналттай хандахыг нэр дэвшигчид уриалж эхэлжээ.

Эх сурвалж:www.polit.mn