С.САРУУЛ

“Найрсаг Улаанбаатар” хөтөлбөрийн хүрээнд Улаанбаатар цэргийн хүрээний анги, байгууллагуудын дунд тэргүүний тохижилттой, жагсаалч анги шалгаруулах ”Монгол цэргийн жавхаа’’ уралдааны шилдгүүд өнөөдөр /2016.05.28/ тодорлоо. Батлан хамгаалахын сайд Ц.Цолмон, Хотын захирагч Э.Бат-Үүл нарын хүмүүс иргэн-цэргийн бахарлын өдрөөр Чингисийн талбайд шилдгүүдийг тодруулав.   
Энэ жилийн уралдаанд нийт 31 цэргийн анги байгууллага оролцож нэгдүгээр шатны шалгаруулалтыг өнгөрсөн сарын 11-23-ны өдрүүдэд зохион байгуулсан бөгөөд Зэвсэгт хүчний 350, 084, 017,150, 119, 029, Хилийн 0164, 0252, Онцгой байдлын аврах тусгай анги шалгарсан юм. Харин хоёрдугаар шатны шалгаруулалт энэ сарын 20-нд болж, өмнөх шатанд шалгарсан есөн ангийг дүгнэв. Уралдааныг дүгнэхдээ цэргийн хотхоны эрүүл аюулгүй байдал, тохижилт, цэргийн алба хаагчдын бие бялдрын хөгжил, цэргийн жагсаалын ажиллагаа, цэргийн эмнэлэг, харуулын байрны тохижилтыг шалгуур үзүүлэлт болгожээ.

 
Ингээд эцсийн шалгаруулалтад: 

• Тэргүүн байр - Хурандаа Б.Хаш-Эрдэнэ захирагчтэй Зэвсэгт хүчний 084 дүгээр ангийн хамт олон / “Тэргүүний тохижилттой, жагсаалч анги”  өргөмжлөл, орон сууц, ангийн эмнэлэгт   эмнэлгийн хэрэгсэл / 
• Дэд байр - Хурандаа Д.Өлзийбаяр захирагчтэй Зэвсэгт хүчний 350 дугаар ангийн хамт олон / “Өргөмжлөл”, орон сууц, ангийн эмнэлэгт эмнэлгийн хэрэгсэл / 
• Гутгаар байр - Хурандаа Д.Гантөмөр захирагчтэй Хилийн цэргийн 0164 дүгээр ангийн хамт олон / “Өргөмжлөл”, орон сууц, ангийн эмнэлэгт эмнэлгийн хэрэгсэл / 
• Тусгай байр - Хурандаа С.Болдбаатар захирагчтэй 150 дугаар ангийн хамт олон / “Өргөмжлөл”, 4 сая төгрөг, ангийн эмнэлэгт эмнэлгийн хэрэгсэл / шалгарлаа.       
•  Эх сурвалж: www.polit.mn