Т.САЙХАН

Гадаадад амьдарч байгаа 150 мянган иргэний сонгох эрх зөрчигдөж байгаа талаар Хилийн чанадад амьдарч буй Монгол Улсын иргэдтэй хамтран ажиллах зөвлөлийн үүсгэн байгуулагч Г.Билгүүнээс тодрууллаа.

-Сонгуулийн хуульд өөрчлөлт орсноор гадаад амьдарч байгаа иргэдийн эрх зөрчигдөж байна гэлээ. Энэ асуудлаа тодруулахгүй юу?

-Энэ сарын 10-нд УИХ Сонгуулийн хуульд нэмэлт өөрчлөлт оруулснаар гадаадад амьдарч байгаа монголчууд сонгох эрхээ хасууллаа. Гурван сая хүнтэй манай улсад сонгуулийн насны хоёр сая хүний бий. Тэгвэл түүний нэгээхэн хэсэг нь ийнхүү сонгууль өгөх эрх, эрхзүйн актгүй болж байна.  Энэ асуудалд бид үнэхээр харамсаж байна.  

-Асуудлаа холбогдох хүмүүст хүргүүлсэн үү. Ямар хариу өгч байна?

-Гадаадад амьдарч байгаа иргэдийн дуу хоолой болох ёстой Гадаад хэргийн яам ч энэ асуудалд анхаарал хандуулж чадахгүй байна. 2012 оны сонгуулиар бид сонгууль өгөх эрхтэй болж, нэг алхам урагшилж байсан бол энэ удаа нэг алхам ухарч байна.  Үүнийг Гадаад хэргийн сайд Л.Пүрэвсүрэн бахдалтайгаар зарлалаа. Бид түүнийг ажлаа хийж чадахгүй байгаа учраас огцрохыг шаардаж байна.  Мөн энэ асуудлаар СЕХ-нд шаардлага хүргүүллээ. 150 мянган иргэнээ хүний тооноос хассан энэ шийдвэрийг бид эсэргүүцэж байна.

Эх сурвалж:www.polit.mn