Т.САЙХАН

“Найрсаг Улаанбаатар” хөтөлбөрийн хүрээнд“Ulaanbaatar book fair” олон улсын номын баяр Чингисийн талбайд нээлтээ хийлээ.  “Номд дурлаж мэдлэгт шүтэх Найрсаг хотын иргэд” уриатайгаар зохион байгуулах олон улсын номын баярын үеэр олон улсын зохиолч бүтээгч, уншигчид төдийгүй жуулчдыг татах олон сонирхолтой арга хэмжээ болох юм байна.  Энэ өдрүүдэд олон улсын соёлын үзэсгэлэн үзэх, “Ном яръя, кофе ууя” чөлөөт орчин, “Уншлагын баяр”, Дэлхийн өнцөг булан бүрээс ирсэн хүүхдүүдтэй уулзах, ахмад зохиолчдын хүндэтгэлийн арга хэмжээ, зохиолын дүрийн тоглолтууд, номын сангийн өдөрлөг, үзэсгэлэн, номын шагналтай тэмцээн уралдаанууд болж байна. Мөн  ном хэвлэлийн байгууллагууд номоо 20-50 хувийн хямдралтай худалдаалж байгаа нь номонд дуртай иргэдийг баярлуулж байв. Мөн ардын уран зохиолч П.Бадарч, Б.Бааст, Соёлын гавьяат зүтгэлтэн Г.Мэнд-Ооёо нар уншигчидтай уулзан гарын үсгээ зурж номоо борлуулж байна.     Олон улсын номын баярт Улаанбаатар хотын номын сангууд, Монгол Улсад суух Элчин сайдын яамд, ном эрхлэн гаргагч байгууллагууд, зохиолч орчуулагч, уран бүтээлчид, их дээд сургуулийн төлөөлөл, төрийн болон төрийн бус байгууллагууд оролцож байна.

Гэрэл зургийг Д.ЦЭРЭННАДМИД

ULAANBAATAR BOOK FAIR 2016-ОЛОН УЛСЫН НОМЫН БАЯРЫН ХӨТӨЛБӨР

Хэзээ: 2016.05.20 
Хаана: Чингисийн талбай 
10.20-10.30 “Хорвоогийн олон өнгө” Флаш моб
10.30-11.15 Нээлтийн ёслол
11.15-11.25 “Мэндчилгээ” ардын бүжиг
11.25-12.25 Улаанбаатар чуулгын урлагийн тоглолт
12.25-13.00 Номын танилцуулга
13.00-14.30 “Хорвоогийн олон өнгө” олон улсын урлагийн тоглолт
14.30-15.00 Хөгжөөнт тоглоом
15.00-15.30 Зохиолын дүрийн баатруудын тоглолт
15.30-16.00 Урлагийн тоглолт
16.00-16.30 “Хүүхдийн номын өргөө”-нд хандив цуглуулах
16.30-17.30 “Залуу нас” яруу найргийн уншлага
17.30-17.55 Хөгжөөнт тоглоом
17.55-18.00 Хаалтын арга хэмжээ
10.00-20.00 НОМЫН ХЯМДРАЛТАЙ ХУДАЛДАА

Хэзээ: 2016.05.21 
Хаана: Чингисийн талбай 
11.40 - 11.45 Хөтлөгч арга хэмжээ нээнэ.
11.45 - 12.25 Урлагийн тоглолт
12.25 - 13.00 Хөгжөөнт тоглоом
13.00 -14.30 “Хорвоогийн олон өнгө” олон улсын урлагийн тоглолт
14.30 -15.00 “Яруу найраг, яруусал” бүлгэмийн чөлөөт уншлага
15.00 -15.30 Урлагийн тоглолт
15.30 -16.30Хүүхдийн зохиолчдын бүтээлийн уншлага
16.30-17.00Шинэ номын танилцуулга
17.00-17.30Хөгжөөнт тоглоом
17.30 -18.00Хаалтын арга хэмжээ 
Улаанбаатар чуулгын урлагийн тоглолт
10.00 -20.00 Номын хямдралтай худалдаа явагдсаар байна