Г.ГАНЧИМЭГ

Хувьцаат компанийн нэгж хувьцааны ханш өндөр байгаагаас зарим компани өөрийн хувьцааны хөрвөх чадварыг нэмэгдүүлэх зорилгоор хувьцааг хуваадаг юм байна. Тухайлбал, 2008 онд АПУ ХК-ийн нэгж хувьцааны зах зээлийн ханш 54 төгрөг болж хөрвөх чадвар нь мууджээ. Тиймээс тус компанийн зүгээс хувьцааг 1:100 хувааж нэгж хувьцааны үнийг 540 төгрөг болгосон юм байна. Энэ нь тухайн компанийн хувьцааны эрэлтийг өсгөж, хөврөх чадварыг нэмэгдүүлж дараагийн гурван сард хувьцааны ханш 70 гаруй хувиар өсчээ. Өнөөдрийн байдлаар тус компанийн нэгж хувьцааны хаалтын ханш 3700 төгрөг байна.

Мөн “Тавантолгой” ХК-ийн нэгж хувьцааны ханш 730 мянган төгрөгийн үнэтэй болж хөрвөх чадвар нь муудсан тул хувьцааг 1:100 болгож хувааснаар нэгж хувьцааны үнэ 7300 төгрөг болгожээ. Ингэснээр хувьцааны эрэлт нэмэгдэж, нэг жилийн дотор хувьцааны ханш 42.8 хувиар өсч, зах зээлийн үнэлгээ 500 тэрбум төгрөгт хүрч, Монголын Хөрөнгийн биржийн хамгийн өндөр зах зээлийн үнэлгээтэй компани болж байжээ.

Харин энэ онд АПУ, “Сүү”, УБ-БҮК зэрэг компанийн хувьцаа эзэмшигчдийн хурлаас хувьцааг хуваах шийдвэрийг гаргаад байгаа юм. 

Монголын Хөрөнгийн биржийн мэргэжилтнүүд “Хувьцааг хувааснаар зах зээл дэх эрэлт нэмэгдэж, компанийн зах зээлийн үнэлгээ бодитоор тогтоогдон хөрөнгө оруулагчдын эзэмшиж буй хувьцааны үнэ цэнэ өснө. Мөн хөрөнгө оруулагч хувьцаа эзэмшигчдийн тоо нэмэгдсэнээр компанийн засаглал сайжирна” гэж мэдэгдэж байгаа ч одоохондоо хараахан тус компаниудын хувьцаа албан ёсоор хуваагдаагүй л байна.

 Эх сурвалж www.polit.mn