М.ЦЭЦЭГ

УИХ-ын дарга З.Энхболдод Засгийн газрын гишүүн, Хууль зүйн сайд Д.Дорлигжав өнөөдөр Засгийн газрын зарим гишүүнийг томилуулах тухай УИХ-ын тогтоолын төслийг өргөн мэдүүлэв.

Эрүүл мэнд, спортын сайдын албан тушаалд УИХ-ын гишүүн асан, одоо ЭМСЯ-ны Төрийн нарийн бичгийн даргаар ажиллаж буй С.Ламбааг томилуулах асуудлыг УИХ-д өргөн мэдүүлж буй юм.

С.Ламбааг Засгийн газрын гишүүнээр томилуулах саналын үндэслэл нь Засгийн газраас дэвшүүлж байгаа зорилтуудыг биелүүлэхээр ажиллах болон танхимын зарчмаар ажиллах чадвар, тухайн ажил, үүргийг гүйцэтгүүлэхэд хуримтлуулсан туршлага, удирдан зохион байгуулах чадвар, ажил хэрэгч чанар болно хэмээн үзжээ. Энэ томилгоог энэ долоо хоногт хэлэлцэн шийдвэрлэхээр төлөвлөжээ.

Эх сурвалж: www.polit.mn