Г.ГАНЧИМЭГ

“Blue moon" арт галерейн гишүүн уран бүтээлч, Соёлын тэргүүний ажилтан   Э.Гансүхийн "Увдис" бие даасан уран бүтээлийн үзэсгэлэн өнөөдөр нээлтээ хийлээ. Тэрээр 2014 онд тус галерейд “Зүүдлэгдээгүй зүүд” бие даасан үзэсгэлэнгээ олны хүртээл болгож байсан юм.

Түүний энэ удаагийн үзэсгэлэн 21 бүтээлээс бүрдэж байгаа бөгөөд 21 шинэ санаа, 21 өөр ертөнц, утга агуулгыг илэрхийлж байна. Тэрээр хоорондоо хэзээ ч эвлэшгүй агуулга, асар их зөрчилдөөнийг нэгэн цул болгон хөнгөн өнгөөр далдалжээ. Үнэндээ байж боломгүй төсөөллийн дүрслэлийг бодит нийгмийн асуудлуудтай уялдуулж чадсан байна. Гэхдээ төсөөллийн, зүүдний ч гэмээр эдгээр олон дүр нь дахин задарч хөгжих боломжтой аж. Өөрөөр хэлбэл, үзэгч өөрийн дүгнэлтээ хийн задалж сэтгэх “эрх”, орон зайг эдгээр бүтээлээрээ өгчээ. Мөн “Монгол” гэх хайрцганд баригдаагүй нь тодорхой харагдана.

Уран зураг сонирхогчид “Увидас”-ын 21 өөр ертөнцөд энэ сарын 25-ныг хүртэл саатар боломжтой аж.   

Эх сурвалж: www.polit.mn