Г.ГАНЧИМЭГ

Монгол Улсад орчин цагийн барилгын салбар үүсч хөгжсөний 90 жилийн ой энэ намар тохионо. Түүхт 90 жилийн ойн босгон дээрээ барилга, дэд бүтцийн гүйцэтгэгч байгууллагууд чуулж, Монголын Барилгын гүйцэтгэгч байгууллагуудын холбоо /МБГБХ/ төрийн бус байгууллагыг үүсгэн байгууллаа. МБГБХ-г үүсгэн байгуулах анхдугаар зөвлөгөөнд салбарын 30 орчим байгууллагын төлөөлөл оролцсон юм. Тус холбооны Удирдах зөвлөлд Дельта констракшн” групп, “И Си Си”, “Ивэг түшиг”, “Бүрэн цутгамал”, “Улаанбаатар барилга”, “Оймон констракшн” ХХК-ийн удирдлагууд сонгогдож ТУЗ-ийн дарга буюу ерөнхийлөгчөөр “Дельта констракшн” группийн ерөнхийлөгч, Монгол Улсын зөвлөх инженер Ц.Эрдэнэбатыг гишүүдийн 100 хувийн саналаар томиложээ.

Тус ТББ нь барилгын гүйцэтгэгч байгууллагуудын эрх ашгийг төлөөлөх, тогтвортой ажиллах орчныг бий болгох, гадаад дотоод хамтын ажиллагааг идэвхжүүлэх зорилготой. Улмаар мэргэжлийн гүйцэтгэгч байгууллагуудыг төлөөлөн улс орны өмнө тулгамдсан нийгэм, эдийн засгийн хүндрэлийг хамтын хүчээр даван туулах, цаашлаад хөгжлийн шинэ гарцыг эрэлхийлэхэд чиглэсэн үйл ажиллагаа явуулах бодлогыг баримтлан ажиллах юм.

Эх сурвалж www.polit.mn