Т.САЙХАН

ШУТИС-ийн байранд өнөөдөр /05.13/ “Мэргэжлээ хэрхэн зөв сонгох вэ” нээлттэй өдөрлөг болж байна. Хөдөлмөрийн яам,  “Бодлого стратегийн судалгааны хүрээлэн” ТББ, ШУТИС-ийн захиргаа хамтран энэхүү өдөрлөгийг зохион байгууллаа.  Энэ үеэр гадаадын их дээд сургуулиудад хэрхэн суралцах талаар танилцуулж, мөн дотоодын сургуульд элсэн орохдоо юуг анхаарах талаар заавар зөвлөгөө өгч байна.  ШУТИС-ийн хувьд сонгон ирсэн оюутнууддаа хичээлдээ идэвхитэй оролцохын зэрэгцээ бие хүний хүмүүжил, соёлын талаар ихээхэн анхаардаг гэж байв. Тухайлбал орон нутгаас ирсэн оюутнуудад тухайн хичээлийн жилийн эхний долоо хоногт хотын соёлын талаар заадаг байна. Нийт оюутнууддаа зөв хооллолтын талаар зөвлөгөө өгдөг гэж байв. Мөн сургуулийнхаа дэргэд мэргэжлийн болон сонирхогчийн клуб ажиллуулж, оюутнаа чөлөөт цагаа зөв боловсон өнгөрүүлэхэд анхаардаг гэлээ.  Өнөөдрийн/ 05.13/ “Мэргэжлээ хэрхэн зөв сонгох вэ” өдөрлөгт Хөдөлмөрийн сайд Г.Баярсайхан оролцлоо.  Тэрээр “Аливаа хүн мэргэжлээ зөв сонгох нь чухал юм.  Ингэснээр амьдралынхаа хамгийн зөв сонголтыг хийж, амжилттай ажиллана.  Амжилттай ажилласнаар гэр бүл аав ээжээ баярлуулна гээд бүхий л сайн сайхны үндэс нь энэ юм” гэж байв.

Эх сурвалж:www.polit.mn